بداية العمل الحقيقى لمنتدى الهياتم اليوم (خطوه جريئه )

تذكير بمساهمة فاتح الموضوع :

بسم الله الرحمن الرحيم

بالاشتراك مع الاستاذ ابراهيم الفيشاوى بدأ منتدى الهياتم اليوم عمله الحقيقى كمؤسسه لها دور فى خدمة قرية الهياتم

فقد قام الاستاذ ابراهيم الفيشاوى

وليد القلعى ممثلا عن ادارة المنتدى

و محمد كسبر ممثلا عن مؤسسى المنتدى

والثلاثه ممثلين عن ابناء قرية الهياتم بتقديم طلب لمرفق النقل الداخلى بعودة عمل أتوبيسات النقل العام (خط الهياتم - الراهبين)فى أسرع وقت

وقد أبدى مدير مرفق النقل المهندس محمد السحت تعاونه مع الاستاذ ابراهيم ومع ممثلى المنتدى

وأكد على أهمية هذا الخط وأكد على عودة الاتوبيسات للعمل فى أقرب وقت ممكن

واكد أن احتياج الوقت فقط للتنسيق مع المواقف والمحطات ولدراسة كيفية اقبال الشعب على النقل العام

واليكم بعض الصور من الاجتماع

[ندعوك للتسجيل في المنتدى أو التعريف بنفسك لمعاينة هذا الرابط]

استاذ
ابراهيم الفيشاوى أمام مرفق النقل الداخلى

[ندعوك للتسجيل في المنتدى أو التعريف بنفسك لمعاينة هذا الرابط]

وليد القلعى (مدير منتدى الهياتم اليوم) أمام مرفق
النقل الداخلى

[ندعوك للتسجيل في المنتدى أو التعريف بنفسك لمعاينة هذا الرابط]

محمد كسبر ( مؤسس منتدى الهياتم اليوم ) أمام
مرفق النقل الداخلى

[ندعوك للتسجيل في المنتدى أو التعريف بنفسك لمعاينة هذا الرابط]

الاستاذ
ابراهيم أثناء بحث سبل عودة الاتوبيسات مره أخرى للهياتم والحديث عن عدد
الاتوبيسات التى ستعود للعمل فى القريه

[ندعوك للتسجيل في المنتدى أو التعريف بنفسك لمعاينة هذا الرابط]

صور
جماعيه بعد الاتفاق على عودة الاتوبيسات للعمل من جديد فى القريب العاجل

[ندعوك للتسجيل في المنتدى أو التعريف بنفسك لمعاينة هذا الرابط]

صوره
للأتوبيس أمام هيئة النقل العام

[ندعوك للتسجيل في المنتدى أو التعريف بنفسك لمعاينة هذا الرابط]
صوره توضح الفارق بين الاتوبيسات الجديده والقديمه

[ندعوك للتسجيل في المنتدى أو التعريف بنفسك لمعاينة هذا الرابط]
صور الاتوبيسات الجديده فى جراجات المرفق الداخلى

[ندعوك للتسجيل في المنتدى أو التعريف بنفسك لمعاينة هذا الرابط]
صوره لتوضيح عدد الاتوبيسات الحاليه داخل جراجات المرفق الداخلى

كاميرا

وليد عبد الجواد القلعى محمد بسيونى كسبر

الله يحرسكم من العين يا رجاله

مش المهم هيرشحوا مين ياأستاذ حماده
المهم فعلا ان بقى فيه شباب بتدور على الصالح العام
الفكره مش فكرة ايه حجم المصلحه أو مين وصل الشباب
الفكره انهم شاركوا وتفوقوا فى نقل مشاركتهم
وبشروا الناس اللى هما فعلا محتاجين اى أمل
بارك الله فيكم ياشباب
بارك الله فيك يااستاذ ابراهيم

ومنتظرين القادم باذن الله [ندعوك للتسجيل في المنتدى أو التعريف بنفسك لمعاينة هذه الصورة]

خطوة جيدة والله وهي دي هتبقي الخطوة الايجابية الاولي ناهيك عن النظافة وخلافة وانا مش كنت باحب اشارك لاني مش بحب حد يزعل من كلامي وفي ناس في وسطكم همها انها تركب الموجة وخلاص ويبانوا في الصورة ابطال بس ياريت يا وليد تركزوةا في موصوع النقل دة لانه بجد هيبقي خطوة ايجابية جدا وهتحسبلكم وانا معاكم في المشروع دة واكيد البلد كلها معكم لاننا كلنا في النهاية ايد واحدة لتنمية البلد والله الموفق والمستعان

فيه مشكلة تانية وهى ان الناس كانت بتنزل من الاتوبيس اول متلاقى عربية لان الاتوبيس بيغيب على اما يحمل وغير كده بيبقى على اخره والركان يكاد يسقطوا من الابواب ويستمر فى التوقف والتحميل فليه ميقفش فى محطات معينة ويركب الركاب على عدد الكراسى ومحدش يقف نهائى فى الطرقة ولو فيه زحمة تانى نسعى ان احنا نجيب اتوبيس اخر فهيكون عندنا الحق فى طلب اتوبيس اخر ...

ماشاء الله لا قوة إلا بالله

ربنا يبارك فيكم ياشباب ويوفقكم لكل خير

والى مزيد من تحقيق الاحلام فهذا وقت تحقيقها

ahmadabdelbary34 كتب:: خطوة جيدة والله وهي دي هتبقي الخطوة الايجابية الاولي ناهيك عن النظافة وخلافة وانا مش كنت باحب اشارك لاني مش بحب حد يزعل من كلامي وفي ناس في وسطكم همها انها تركب الموجة وخلاص ويبانوا في الصورة ابطال بس ياريت يا وليد تركزوةا في موصوع النقل دة لانه بجد هيبقي خطوة ايجابية جدا وهتحسبلكم وانا معاكم في المشروع دة واكيد البلد كلها معكم لاننا كلنا في النهاية ايد واحدة لتنمية البلد والله الموفق والمستعان

ربنا يخليك ياعبد البارى
وبجد انا فرحان ان فيه ناس فاهمه اللى عايزيين يركبوا الموجه
وكمان عايز أقولك احنا فعلا محتاجينك معانا ونفسنا تساعدنا بحاجات كتير أوى بس بجد انتوا بعيد أوى عننا
حاولوا تقربوا ويكون ليك معانا دور
احنا بنعمل مصلحه عامه وخدمه للجميع وهو ده هدفنا

abdelaziz كتب:: فيه مشكلة تانية وهى ان الناس كانت بتنزل من الاتوبيس اول متلاقى عربية لان الاتوبيس بيغيب على اما يحمل وغير كده بيبقى على اخره والركان يكاد يسقطوا من الابواب ويستمر فى التوقف والتحميل فليه ميقفش فى محطات معينة ويركب الركاب على عدد الكراسى ومحدش يقف نهائى فى الطرقة ولو فيه زحمة تانى نسعى ان احنا نجيب اتوبيس اخر فهيكون عندنا الحق فى طلب اتوبيس اخر ...

عندك حق ياعبد العزيز ده دورنا ان شاء الله اللى هنساعد فيه القطاع العام لازم نصبر شويه ونتحمل ولو 10 دقائق
ونحاول نوعى الناس ونعرفهم ان الفلوس اللى بيدفعوها فى الاتوبيس كلنا هنستفيد بيها
أما اللى بيدفعوها فى الميكروباص فقط استفاده خاصه وشخصيه لسائقى الميكروباص اللى بيتحكموا فى الناس
وبيستغلوا الاوضاع الحاليه وبيعلوا الاجره وطبعا عودة النقل العام هتوقفهم عند حدهم وان شاء الله هتدخل ربح للدوله

مجهود كبير اووى
وان شاء الله ربنا يوفقكم

ياأخى اتقى الله الغرض من الصور مش نقول اننا بنعمل أو ننكر دورك
احنا بنزل الحاجه اللى فيها دليل أكثر وهل هناك دليل اكثر من صورة المدير؟؟؟؟
بالنسبه للطلب المدير لم يؤشر عليه ولذلك لم يتم وضعه فى المنتدى
مع العلم ان اسم حضرتك موجود فيه أنت والاستاذ محمود سلطان
للاسف تفكير بعض الاشخاص مازال يماثل ما قبل الثوره
ولو فيه حد بينقض اتحرك قبل الثوره يجى ويقولنا لأننا محتاجين اللى اتكلم زمان ومخافش
ومش فارق معانا كل اللى بيتكلم بعد 11 فبراير كلهم ورق
ولكن نطلب من الله أن يوفقهم ويوفقنا الى ما يحب ويرضى

كل الشكر للاستاذ حازم رضا بركات الديش الذى استطاع اعادة اتوبيسات النقل العام للعمل من جديد
وان شاء الله هيحل كل مشاكل القريه لوحده
وبصراحه هو متواضع ومابيحبش يتصور

خلاص نقفل الملف ده بقى يا شباب

الملفات الساخنه كثيره

عاوزين الهمه معانا

ان شاء الله

» استمرار العمل الحقيقى لأسرة منتدى الهياتم اليوم
» (بالصور) : الأهرام المسائى يتحدث عن قرية الهياتم وعن وعوود المحافظ لفريق عمل منتدى الهياتم اليوم وقرية الهياتم (حصرياً)
» لقاء فريق الهياتم اليوم مع محافظ الغربيه وبحث اهم المشاكل الموجوده بقريه الهياتم
» «الهياتم اليوم اليوم» تكشف: «حميات المحلة» تحول قرية إلى محرقة للنفايات الخطرة
» حصريا بالفيديوعلى (الهياتم اليوم)الوقفة الاحتجاجية فى قرية الهياتم بسبب سرقة المواشى فيها