الى شهداء الثوره

الله حي شعبنا حي
وسع سكة لبكرة الجاي
ورد شبابنا المصري البلدي
ولا فيه شبهه ولا له زي
قالوا شباب قاعدين في كافيه
عفاريت طلعوا ولاد الإيه
عارفين امتى وفين مع ليه
شايفين كل طريق للضي
من دمهم الغالي اتوضى
وطن الخوف والموت والردة
طلع الصبح وصلى وعدا
من ليل أمس لأجمل ضي
ياه على وطن اتهان وإتباع
ياه على شعب اتعرى وجاع
سمسروا حتى في الاوجاع
لحمنا كانوا بياكلوه ني
أيوب نبي علشان كان صابر
شوف المصري النبي والصابر
يطغى عليه الطاغي وقادر
يفضل ثوري ووطني وحي
التحرير كان اسم ميدان
أصبح للثوار عنوان
الشبان قلب الاوطان
هم الفرحة وهم الضي
يوم 25 يناير

هو تاريخ الشعب الثاير
رجعتونا لعزة ناصر
بعد الموت الوطن اهو حي
المولوتوف ورصاص مطاطي
غلبه جبين وضاء ما يطاطي
لبنى بسادة وعبد العاطي
عمره ما سلم ولا قال أي
الله حي شعبنا حي شعبنا حي.

تسلم على الكلمات الجميله دى
ويسلم أحساسك الجميل بالكلمات
الى شهداء الثوره 368792

قصيدة رائعة جدا جدا جدا
وكلمات معبرة وجميلة أوى

تسلم إيديك
ودائما فى تألق وإبداع .

بجد كلمات رائعه
(التحرير كان اسم ميدان اصبح للثوار عنوان ....الله حى شعبنا حى )

[ندعوك للتسجيل في المنتدى أو التعريف بنفسك لمعاينة هذه الصورة]

كلمات رائعه جدا

تسلم عليها بجد

كلمات جامده اوي ياتيجر ودا الي بنحبه فيك ومنتظرين منك القادم والافضل

هو تاريخ الشعب الثاير
رجعتونا لعزة ناصر
بعد الموت الوطن اهو حي
المولوتوف ورصاص مطاطي
غلبه جبين وضاء ما يطاطي
لبنى بسادة وعبد العاطي
عمره ما سلم ولا قال أي
الله حي شعبنا حي شعبنا حي.

تسلم يا تيجر وبجد المنتدى مفتقدك من فترة

» حنان مطاوع جاء دور الاعلام لمسانده الثوره ضد اعدائها
» صور شهداء قافلة الحرية‎
» بحبك يا بلادي - شهداء ثورة 25 يناير .
» هذه هي مصر: برشلونة يقف دقيقة حداد على أرواح شهداء الثورة المصرية
» استدعاء الضباط المتورطين فى قتل شهداء جمعة الغضب بالإسكندرية