لسه الاغانى ممكنه

مش عارفه اقول ايه وكان نفسى يكون احساسى دلوقتى غير اللى انا حساه انا وناس كتيره جدا كان نفسى تكون النهارده فرحه تنسينا اوجاع كتيره حتى دلوقتى نفسى اقول خلاص وايه يعنى ولازم ننسى ونتجاوز ده بس فعلا مش قادره الخوف ملى قلبى وسيطر عليى واللى زاد من وجعى تعليقات ناس كتيرة فى مواقع تانيه واحساسى بالامبالاه اللى عندهم او شبه شماتتهم وكانها معركه دخلوها ضد حسن شحاتة لانه مكنش مؤيد للثوره بس مهما كان يا جماعه دى كانت حاجه والنهارده حاجه تانيه كلنا لازم نقف من تانى مع بعض ايد واحده ومننساش المنتخب ده اد ايه فرحنا كلنالدرجة اننا مكناش بنلاقى حاجه تفرحنا زى الكوره وكتير اوى مكناش بنتجمع قد ما نتجمع فى المباريات دى ونحس بجد بفرحة رفع علم مصر وكان كل واحد فينا هو اللى رافعه وياما بكينا من الفرحه وقت النصر وبكينا بجد لما اتهزمنا ورجعنا تانى معاهم واتجدد فينا الامل طيب ليه وقت الهزيمه نتقلب 360 درجه من حقنا نزعل ونضايق بس مش من حقنا اننا ننسى كل حاجه حلوه فى لحظه انا بجد زعلانه من اللى حاصل وحاسه فى تعليق وكلمات كل واحد انه مبيتكلمش عن بلده ليه راح فين احساسنا بمصرنا ليه كله دلوقتى بيتكلم عن انتماءات اتعودنا ننساها فى الاوقات دى ومنشفش غير مصر بلدنا فى اى تشكيل ومهما كانت النتيجه راحت فين الروح دى انا مش هقول دلوقتى انا اهلاويه ولا زملكاويه وارمى الهزيمه على لاعيبة الفريق التانى لان دى دلوقتى سذاجه لكن هقول انا زعلت بجد النهارده لكن هنادى للامل من تانى وهقول لنفسى فى فرصه وفرصه كبيره كمان ومصر هتعدى الازمه دى وهنوصل وناخد بطوله كمان احنا نستحق كده مصر تستاهل كده وهتكون مجرد كبوه بس للفارس العربى ومش هتكون ابدا نهايه لان منتخب الساجدين ده بطل واحناكبار وهنفضل كبار وفعلا الاسود تمرض لكنها مش هتموت حاسه بجد اننا نفسى اصرخ واقول لا ونفسى ارد على كل واحد حزنه اتغلب على وطنيته فى ثانيه لكن نفسى اكتر اسمع من كل واحد انه فعلا خد امل من جديد يلا نقول لسه فى فرصه يلا عايزه اسمع واشوف فى لسه امل ياريت كلنا نقول كده واحنا مقتنعين على فكره يمكن انا بقول كده لانى عايزه حد يطمنى ويقولى فى امل لانى فعلا خايفه اوى لان مينفعش تكون فى بطوله افريقيه احنا مش موجودين فيها وفعلا احنا كبار وصعبه اوى وقعة الكبير بس ان شاء الله مش هنقع وربنا هيكون معانا وانا هبدا وهقول لسه فى الامل ومستنيه حد ياكدلى ده ويقولى ان لسه الاغانى ممكنه

هارد لك للمنتخب وان شاء الله القادم احسن