ملفات ساخنه جدا جدا وغرائب كبيره تخص قريه الهياتم

بسم الله الرحمن الرحيم

كما وعدناكم بفتح ملفات ساخنه جدا تهم قريه الهياتم والقرى المجاوره

الان اعرض عليكم بعض من تلك الملفات

ارجوا من حضراتكم افادتنا بردودكم وتصوراتكم حول تلك الملفات

لعل نجد عندكم ما فاتنا او تنبهونا وترشدونا الى نقاط لم تكن فى حساباتنا

علما بان هذا العمل لا اقوم به بمفردى وهناك فريق عمل سوف يتم الاعلان عنه قريبا

واليكم بعض هذه الملفات

1- مصائب مصنع عثمان

2- معهد الأزهر ( اعدادى - ثانوى ) بنات

3- معهد ابوهيش الابتدائى

4-الكهرباء

5- مياه الشرب

6-الجمعيه التعاونيه الاستهلاكيه ( جمعيه السهم )

7- عربيه ربع نقل ملك الوحده المحليه للقريه ...اين هى ؟؟؟؟؟؟؟

8- أخطاء الوحده المحليه...وهل سيرحل رئيس الوحده مع سكرتيره!!!!!!!!!!!!!!

9- وحده التضامن الاجتماعى ( وحده الشئون الاجتماعيه )....هل مؤهل رئيس الوحده الدراسى يؤهله لقياده الوحده...وماهو سبب تعطيل وصول اجهزه الكمبيوتر للوحده حتى الان ؟!!!!!!!!!!!

10-الوحده الصحيه...

11-مدرسه ثانوى تجارى بالهياتم

12- شجر فاكهه لكل فلاح

13- حكايه الاسفلت بجوار الجمعيه الزراعيه ؟!!!!!!!!!!!!!!!!

14- ما هو سر عمليه التنقيب عن الاثار بالهياتم ؟!!!!!!!!!!!!

15-تعديات الميرلاند والجراند وكاظم على الملكيات العامه والطرق

16-هل تعلم شئ عن جمعيه مياه الرى ؟ واين مقرها ؟ ومن هم اعضاؤها ؟!!!!!!!!!!!!!

17- اخيرا وجد البترول فى ارض مجاوره لقريه الهياتم ؟؟؟؟؟؟؟؟؟؟؟

بجد يا محمد والواحد مش عارف يقول ايه علي كل الحاجات الي في البلد دي
وبلاخص مصائب مصنع عثمان دي مشكله كبيره لوحدها وممكن تدمر البلد بلي المصنع بيعمله
بجد ربنا يستر علي البلد والمعهد الاعدادي الثانوي بنات
الي الواحد مش عارف يعمل ايه علي شان المعهد يرجع تاني
زي الاول ولا الناس عجبها بهدله البنات علي الطريق علي شان والبلد مافيش
حد فيها بيكلم عن الموضيع دي معرفش ليه يعن معهد ابو هيش الي فيه البنات دلوقتي عاوز
يترمم هوا كمان يشوفو بقا البنات هتروح فين والاطفال الصغيرين هيروحو فيه
الميرلاندهوا كمان الي طالع في البخت ده وبيعدي علي حرم الطريق ومحدش عارف يقوله حاجه بجد حاجه تزعل اوي
بجد الواحد لو اكلم في المواضيع الي موجوده دي كلها مش هيخلص وفي الاخر حسبي الله ونعم والوكيل

ان شاء الله يا احمد
انت معانا فى فريق العمل

وهاتشوف بنفسك بالاوراق والمستندات

ولن نفترى على احد

اتمن لكم التوفيق و انا فى الخدمه طوال فترت الاجازة
ان شاء الله سوف اكون معكم خلال شهر رمضان

توصل بالسلامه ان شاء الله يا استاذ حسين

واكيد ان شاء الله حضرتك معانا
وان شاء الله الخير يعم للجميع

بجد الاسم ملفات ساخنة فعلا اسم علي مسمي وفي انتظار المذيد يا هندسة انا اعلم عن موضوع العربة النقل ولكن الباقي فعلا جديد كلة تسلم ع المجهود وفي انتظار الدليل [b]

ان شاء الله يتم مناقشه هذه المسائل على المنتدى وايجاد الحلول المناسبه لها عن طريق عمل خطوات ايجابيه تعمل جميعها فى صالح بلدنا الحبيبه الهياتم والله الموفق

منتظرين ان شاء الله

اثار ايه يا هندسه

بتتكلم ازاى بس

16-هل تعلم شئ عن جمعيه مياه الرى ؟ واين مقرها ؟ ومن هم اعضاؤها ؟!!!!!!!!!!!!!

انا سمعت عن الموضوع ده قبل كده
متهيالى ده فى عزبه الشرملسى

6-الجمعيه التعاونيه الاستهلاكيه ( جمعيه السهم )

مش دى بتاع عمى ابرهيم فيشار اللى بيوزع العيش بتاع زمان دى

وهى عند مسجد سيدى ابن عز

وبيتباع هناك تموين

ان شاء الله سيتم الاجابه عن تلك الملفات قريبا جدا

تقريبا البلد كلها عاوزة تعديل من كل شى
وان شاء الله فريق العمل يكونف ى خدمة البلد وبارك الله فيكم بس انا لية ملحوظة
وجدو بترول فى ارض ياترى هتكون لمين صاحب الارض ولا ____________

ملفات جديره بالانتظار

الملفات دى هانشوفها امتى

ومين هايسمع الكلام ده بس
ريح نفسك يا ريس

كل الملفات دى خلاص قريبا

انشغالى فقط بمشروع فصول التقويه يمنعنى من اضافه الجديد

ربنا معاكم يا جماعه

تم الانتهاء من تصوير الفديو الخاص بالحلقه الاولى

وجارى رفعه ان شاء الله

بواسطه احمد الديش

معكم باذن الله عقب نزولى ان شا الله
ولى مقترحات كثيرة هنعرضها عليكم باذن الله حين نزولى الى البلد باذن
خلال شهر مايو2012

بسم اللة خير الكلام
اما بعد بلاغ الي السيد رئيس المجلس المحلي بالهياتم قامت الثورة لتقول لاللرشوة لا للمحسوبية
انفجرت ىماسورة مياة بجوار النادي امام منزل الشرملسي ذهب الناس للمدعو ابراهيم فيشار عامل الصيانة بالوحة المحلية فطلب منهم مبلغ نظير الصيانة مع العلم ان ماسورة المياة هي الماسورة العمومية التي يتم تحصيل ضرائب صيانة مع الفواتير من دماء الناس الغلابة
ارجو الاهتمام بالموضوع رافة بالناس ومراعاة لوجهة الله تعالي
مقدمة لسيادتكم/
ابناء الهياتم الاوفياء

الاستاذ ميدو
كلامك منطقى ورائع جدا
وان شاء الله ممكن نزل منشور يتوزع على الناس فى المساجد
وتبقى توعيه كويسه للناس
ونعرفهم فى حاه مخالفه الراجل ده عن القانون
هايتم شكواه فيه

» بالفديو والصور...لقاء محافظ الغربيه مع فريق الهياتم اليوم لبحث قضايا ومشاكل قريه الهياتم
» حريق بقريه الهياتم يخلف خسائر كبيره
» الكهرباء فى قريه الهياتم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
» اختلاط مياه الصرف بمياة الرى فى قريه الهياتم
» الحمله الثالثه لشباب قريه الهياتم