صور امام زاويه الجمل

تم التقاط هذه الصور من اما زاويه الجمل بقريه الهياتم

اتمنى ان تنال اعجابكم ان شاء الله

[ندعوك للتسجيل في المنتدى أو التعريف بنفسك لمعاينة هذا الرابط]

مالك يا عم احمد

خساره المجهود الى اتعمل بجد

كفايه بس البهدله وانا برفع الصور

والاخر عاملى وجه ضاحك بيعيط

زعلان من ايه يا عم احمد

بصراحة المفروض رده يتحذف او يعدله طبعا عشان انا وكسبر اللى تعبنا فى التصوير هعقب على الصور دى بايجاز


1- المنطقة اصبحت بتلم زبالة كتير اوى خصوصا ان كومة القش دىى بتاع تجار البهايم


2- طبعا الاطفال بيلعبوا عليها وكانت فيها نجيلة الاول بس اللى عنده معزتين طلعهم يا كلوا النجيلة ماهى ببلاش ومالهاش اصحاب


3- شايفين الزيت اللى على الجدار طبعا شخص مش نضيف ومختل فكريا ونلاحظ ان المنطقة محاطة بالورش فبيعملوا كده عشان محدش يقعد على السور وده مش قانونى لاننا ممكن نعملهم محاضر اشغال طريق ونقفلهم ورشهم دى خالص خصوصا انها بتعطل المرور

4- السور مكسور ليه عشان تجار البهايم يعرفوا يركبوا البهيمة على العربية بسهولة وهما رايحين سوق البهايم وهما معروفين والناس كلها عارفاهم


5- نفس الصورة بس الزيادة العجلة بتاعتى

6- نفس الصورة والزيت واضح

7-صورة للناحية التانية اللى قصاد الزاوية مباشرة ودى اللى كاسرها بتوع البنجر لما كان اللودر بيحمل البنجر من هناك

8-&9- نفس الصورة مع وضوح الناس اللى قاعدين على القهوة الملاصقة للمسجد ودى برضه مش قانونية لان القانون بيقول لازم يكون بينهم على الاقل 100 متر والحمد لله المسافة مش مكملة عشر القانون وطبعا بنبقىى بنصلى وسامعين صوت الرقص وحسبنا الله ونعم الوكيل

تسلم على توضيحك يا اسطوره

ويارب ترجع زى الاول

لانها كانت بصراحه رائعه

انا بتمنى بس احنا مصريين

تسلموا يا شباب المنتدى

بجد مجهود رائع وبجد البلد عايزه تنضف مش بس من الزباله لا من الشخصيات الزباله كمان........وطبعا الكل عارف مين الزباله أى حد يدمر ويهدم ويخرب يبقى على طول زباله وربنا معاكوا ياشباب المنتدى

الحمد لله بلدنا احسن من قرى كتير

وسلبياتنا قليله جدا بالنسبه للايجابيات الموجوده بالبلد

انا شايف ان الهياتم تستحق ان تكون مدينه وليست قريه

علفكرة الزباله دي موجودة من زمان وكل يوم تقريبا بتزيد مش بتقل اما بالنسبة للقهوة فمعدتش قهوة واحدة دبقي في كمان في المقابل للجامع واحدة تانية مش عارفا ليه كل التخريب دة المفروض ان احنا نهتم بالمكان دة . من بعد اما الجنينه دي اتعملت البحر كمان بقي مش نظيف خالص
وبعدين يا شباب مش تقولوا ان انتوا كنتوا بتصوروا في منطقتنا كنا عملنا اي واجب حتي ولو كوبايه شاي

ماهى منطقتى برضه وعلى العموم انا عملت الواجب معانا بس القهوة اللى مقابلة للجامع دى متخصناش لانها فى الجهة الاخرى من الطريق الاسفلتى مش قريبه للجامع اوى

ماشي يا اسطورة

بجد حرام كل ما نتقدم خطوه لقدام نرجعها تانى بجد أنا بجد بدين الناس والشعب حرام ندمر كل حاجه كويسه بادينا .......الله يسامح كل من لم يهتم لمثل هذه الامور التى يراها البعض بسيطه

المفروض يحافظوا شوية

الله يكون فى عون اللى ساكن فى الحتة دى بجد يعنى

يا استاذ لمبى

مفيش حد من الاداره يقدر يسئ فى الاستاذ حسين ولا مصطفى

بس الى مقصود اننا عاوزين نرجع الحته دى زى الاول تانى

كانت رائعه بجد

حضرتك شوفتها

بص يا استاذ لمبى مصطفى حذف 10000 مساهمة عارف يعنى ايه يعنى دمر معنويات الشباب الصغير اللى معانا


وبعدين الدرع ذكر الاسمين دول


وبعدين انت اصلا كل ردودك بتتكلم فيها عن الاستاذ حسين ومصطفى اهدى شوية بقى الموضوع اتقفل ومحمد قال قبل كده منتظرين الاستاذ حسين


وياريت ترد علىى حسب المواضيع ومضمونها عاوز تشتكى عندك قسم الاقتراحات والشكاوى والا ساضطر اسفا لحذف الردود الخارجة عن مضمون الموضوعات

تيتانيك بتغرق للاسف لو انقذت تيتانيك يمكن الهياتم او مصر كلهم واحد ربنا يكرمها

صور رائعه

يا جماعه الزباله دى كتير اوووووووووووى والناس يا ما اشتكت لكن محدش بيعبرنا اخرهم يشيلوا الزباله وياريتهم بيررموها بعيد لا بيرموها جنب البحر الناس قربت تمرض دا لو مكنتش تعبت وخصوصا ان احنا فى الصيف

يارب تنضف بقى ومحدش يرمى فيها زبالة

اشكر القائمين علي هدا المنتدي الخاص بقرية الهياتم.وشكر خاص لمن قام بالحيث عن منطقة الجمل فانا ممن يقطنون هدة المنطقة التي بهاعدة مشاكل التي من اهمها
1- القهوة التي بجوار المسجد مباشرة فهدة مهزله بكل ما تحمل الكلمة من معني فنحن نصلي بالمسجد والناس جالسين علي المقهي سامعين صوت الطاولة والقهقه المسموعه بالمسجد ويتم دلك ايضا في شهر رمضان المبارك والناس لاحياء ولا دين ولا يهم الشهر الفضيل وعلاوة علي دلك ايضا فاي شخص يمر باهلة من النساء يتعرض لنظرات السفلة الجالسين علي المقهي دون اي حياء او ادب.وليس هدا فقط بل ان الاطفال والشباب المستهتر في وقت متاخر من الليل يشربون البانجو والمخدارات وقهقهة طول الليل بلا اي ادب فنرجو من ادارة المنتدي رفع الامر للمسؤلين وان يقومو بغلق هدة القهوة وانا علي استعداد شخصي بالتقدم بشكوي رسمية للمسؤلين.

2- المناظر التي تم التقاطها امام زاوية الجمل والزبالة الموجودة فانا شخصيا من فترة طويلة جدا قمت بتصويرها بكمرا فتوغرافية وارسلت فاكسات للمحافظة وتقدمت بشكوي للوحدة الصحية ولكن دون جدوي فالرجاء رفع الامر ايضا للمسؤلين حيث ان الزبالة في الصيف تعرضنا للحشرات والامراض الصيفية المعدية.وانا علي استعداد تام للتواصل مع ادارة المنتدي