صور امام زاويه الجمل

تذكير بمساهمة فاتح الموضوع :

تم التقاط هذه الصور من اما زاويه الجمل بقريه الهياتم

اتمنى ان تنال اعجابكم ان شاء الله

[ندعوك للتسجيل في المنتدى أو التعريف بنفسك لمعاينة هذا الرابط]

نحن منتظرينك للانضمام الينا لنرق بهذه القرية التى فسدت ضمائر مسئوليها

تسلو ياشباب

ياريت صور لمدخل البلد

باذن الله كل البلد هتتصور

ان شاء الله تنضف

هتنضف بالذوق واللى مايحبش النظافه ننظفها بالعافيه

تسلم على الصور الجميله كتير

ايه الصوره دى كل ما أشوفها أفتأكد ان مصر عمرها ما هتكون زى دول كتير كل اللى تفرقه عننا انها عندها عقول فاهمه معنى الحضاره وأهمية النظافه

ان شاء الله تتحسن الحتة دى يا جماعة

على فكرة ياترى مين المسئول عن المنطقة دى

الوحدة المحلية بما ان فيها قسم هندسى

ولا موارد البيئة والرى

ولا المجلس المحلى

ياترى مين وليه عملها كده وهى اساسا معمولة غلط من الاساس عشان المقاول يوفر ويا عالم حد وفر معاه ولا لا

ياترى ليه سايبنها كده

هل هما مش معاهم 2000 جنيه ينضفوها

لا اعتقد ان المبلغ الكبير ده موجود فى اى مصلحه حكوميه ما تحملوش الحكومه فوق طاقتها ياجماعه والله الشعب ده غريب كل حاجه على الحكومه مش كفايه كل حاجه ببلاش كمان عايزنهم ينظفوا البلد والله هما فعلا منظفنها على الاخر ومعدوش سايبين اى حاجه خالص ....تعيش الحكومه ويسقط الشعب؟؟؟؟؟؟؟؟؟؟؟؟؟؟؟؟؟؟!

عمدك حق يا وليد

بعيد عن الاخطاء الفنيه فى تنفيذ مشروع ردم الترعه
لم أجد شئ غريبا فى هذه الصور
تعودت عينى على هذا المنظر من زمن بعيد أراه فى شارعنا فى منطقنا فى كل ركن فى البلد حتى فى مركز شباب الهياتم منذ كنت فى طفولتى رايته كثيرا فى مدرستى المشتركه الابتدائية واكثر بكثير فى الاعداديه بنين ولن ينتهى المنظر ولن نجد له حل ليس للحكومه علاقه باى شكل ليس لاطرف علاقه
إنما الطرف المسئول عن ذلك أنا وانت وغيرنا من الانسانيه التى انعدمت فيها كلمه النظام والنظافه ابداء بنفسك أولا ثم بعد ذلك أحكم على الامور
انا لا ادافع عن أى جهه ليس لى علاقه باى جهه ولن يكون لمن قريب ولمن بعيد
ان الامر فى منتهى البساطه

ملحوظة :- سأكون شخص أفضل - لكن ليس اليوم - ربما غدا
رواه / د / أحمد خالد توفيق

والله عندك حق ياأستاذ أحمد والله فعلا الواحد بيسأل نفسه هل أنا لو بقيت الريس هقدر أشيل حتى المسئوليه اللى المفروض الشعب يشيلها ......احنا المفروض علينا مسئولية التقدم والرقى والنظافه والحكومه ما هى الا منظم ونقول كلمة حق المكان ده كان أصبح رائع بالفعل لكن ليه رجع كده أكيد مش الحكومه السبب ........والقهوه اللى جنب المسجد فين الشيوخ وكبار البلد دا اذا كان البلد فيها كبير ....ينظفوا المكان ده وبصراحه أقذر حاجه فى المكان ده وجود القهوه جنب المسجد وأمام المقابر ...........هههههههههههه والله فعلا مكان غريب اجتمع فيه اللهو بالجد وبحياة البرزخ
فاليوم نلهو ولا نجتهد وغدا فى البرزخ نبكى من الندم على وقت ضاع فى اللهو ........اتقوا الله ياشعب حتى نجرؤ على ان نقول للمسئولين اتقوا الله فينا.

المنطقة دى وصلت كده ازاى اقولكم ازاى

اولا النجيلة كل اللى مربى معزتين طلعهم يا كلوا فى النجيلة غير ان الكافتيريا كانت بترص الكراسى على النجيلة

السور المكسور الفلاحين والبنجر الفلاحين يرموا البنجر جنب السور واللوادر تكسر فى السور مفيش اخلاق قبل ما يكون فيه ضمير

القش وروث الحيوانات تجار البهايم وهم لايفرقون كثيرا عن بهائمهم كسروا الجزء الطرفى من ناحية الشرق ليصعدوا بالبهيمة ويركبها العربية بسهولة يعنى لسه مثلا هيعملوا مشاية خشب من الارض للعربية ب 200 جنيه السور اهو نكسره

الغفر مش المفروض مثلا ان فيه غفير مسئول عن المقابر وبيخاف يدخلها عشان الصيع ليه ميحافظش عليها ولا بيبقى بيسقى الارض

ههههههههههههههههه.......انسى

طيب يعنى ياجماعة انتو عاوزين الناس تجيب صندوق وترمى فى الزبالة والشارع موجود او فى مكان فاضى موجود الزاى معقولة المكان يفضل نظيف !!!

سبحان الله مهما تعمل لازم تلقى حاجة تخرب اللى بتعملة بدل ما الناس تعمل شكل (دورة الكشافة اللى فى المدرسة ويخلو البلد نظيفة لانها فعلا اكبر قرية فى محافظة الغربية والاهتمام بيها كبير المفروض يكون فى نظافة سبحان الله تلقى الناس متحبش تقعد فى مكان كويس ومكان نظيف طبعا مش قصدى كل الناس هما ناس محدودة مش اكتر مع احترامى للجميع

ويعطيك العافية على المجهود والصور يا استاذ محمد وفعلا موضوع ممتاز بس للاسف ممتاز لتوضيح الحقيقة مش للاهمال

طيب لحد امتى هنفضل شعب سلبي ومن سلبيتنا اننا بنجيب السلبيات ونوضحها عمرنا ما اهتمينا بالايجابيات خصوصا ان البلد فيها مظاهر ايجابية كتير دايما بنركز ع السلبيات ويا ريتنا بنقدم فيها اي مجهود ........مصر دايما ........أقوال ........لا...........أفعال
لو ناويين تصوروا مظاهر ايجابية في البلد قولولي عارفين ليه لاني لاني اكبر مظهر ايجابي في البلد ولا ايه يا اسطورة خخخخخخخخخخ Sleep

خلاص جهز نفسك يامجدى للتصوير Laughing

خلاص جهز نفسك يامجدى للتصوير Laughing

ايه يامجدى دا انت حتى النخلة اللى مصور امامها مش من الهياتم

وبعدين يا اخوانا اللى بيرمى زبالته فى المنطقة دى بنى ادم قذر ومش نضيف

ولاحد ليه راى تانى

احنا بنشرح موضوع بس ياريت بلاش نغلط فى الناس سواء عايب او حاضر احنا بنطرح موضوع ونرد علية فى حدود الرد مش اكتر

تمام كلامك يا استاذ وائل

وانا عاوز اقول على حاجة انا لما بطرح مشكلة مش لازم بالضرورى تقولولى شفلها حل

وبعدين تخيلوا ان المسئول الاساسى عن جهاز نظافة وتجميل مركزى المحلة الكبرى وطنطا من بلدكم

وبعدين اى صور ايجابية ياريت يا مجدى تنزلها

لاننا زى ما بنتكلم فى السلبيات ونقول الناس دى غلطانة

برضه الايجابيات لازم نصفق لاصحابها ونقول الناس دى بتعمل شغل محترم

بعتقد ان الحل بسيط وهو نوع من التوعيه المباشره يعنى لو حاد شاف حاد بيعمل حاجه ويرمى يعرفه ويفهمه ووحده وحده الامورهتمشى
مع انى مش مقتنع بالى بقوله
لان دى اساسيات الانسان العاقل النظام النظافه الخ
الله المستعان

هو ده الكلام تسلم يا مهندس محمد انت واللى كان معاك وشاكر ليه توضيح الموضوع وياريت ندور على السلبيات ونحاول نحلها ................... وربنا معاكم teslam

» بالفديو...مشكله تراقم القمامه والمخلفات بترعه الهياتم امام زاويه الجمل
» صور من امام مدخل مستوره
» اشهر الجمل اللي بيقولها البنات للولاد
» "الجمل ويونس ومشعل والنعمانى وجورج ورضوان والعيسوى" خارج الوزارة
» أعضاء المجلس العسكرى: لا قيود على تحويل مبارك وأسرته للمحاكمة.. و كل من تورط فى "موقعة الجمل" تم حبسه 5 سنوات.. والتصويت سيكون بـ"الرقم القومى"