مفاجاه من العيار الثقيل

السلام عليكم ورحمة الله وبركاتة

اولا------------------- انا مش عارف انتو متعصبين على اية وعملين تردو على بعض كدا
ثانيا------------------- اكيد الاستاذ ابراهيم سواء كان مسافر او كان قاعد فى البلد مش هتفرق كتير المهم ان المرشح انة يفيد البلد ويعمل حاجة فيها ولا هلها

ثالثا والاهم ____ ان يكون فى مرشح من البلد كفتح باب لمرشحين جدد بعد كدا لو المرشح اللى نجح ان شاء الله معملش حاجة يبقا الدورة اللى بعدها هيكون عارف ان الناس مش هترشحة وهيكون فى جديد ودة الاهم من هنا هتبدء البلد تطور ان شاء الله

وعفوا انا بعترض مع كل شخص يعترض ان يطلب من مرشح يقدم كل حاجة قبل الترشيح او النجاح لا بالعكس احنا اللى ننجح الشخص اللى مترشح ولو معجبش اكيد حتى وهو ناجح وعضو والناس متجهلة الشخص دة هيكون ولا كأنة مترشح والدورة اللى عبدها هيكون عارف نفسة انة برا

وانا معرفش الاستاذ ابراهيم شخصيا ومعرفش حد كتير من البلد لان طول عمرى حتى وانا فى مصر مكنمتش قاعد فى البلد كنت فى العاشر وشغلى كان وخدنى ومحدش فى البلد يعرفنى اوى غير اصحابى وجيرانى اكتر من كدا معتقدش ان حد يعرفنى يعنى مش عيب لما الواحد الناس متعرفوش بس اكيد العيب ان الواحد يكون هيعمل حاجة من غير ما يعرف الناس علية وربنا يسهل كل خير ان شاء الله


مع خالص تحياتى لكل عضو فى المنتدى (والسلام عليكم ورحمة الله وبركاتة )

وكل عام وانتم بخير بمناسبة شهر رمضان الكريم

للى ميعرفش الاستاذ ابراهيم هو ابن بسيط من ابناء القرية عصامى ليس لديه اى ثروات طائلة ولايركب سيارة فارهة ولا كحيانة حتى

ومن زمان لما بيشوف غلط بيقول الغلط اهو ومبيسكتش


انا بصراحة كنت هسقط صوتى بس لما عرفت انه هيترشح هنتخبه

يا تيجر لازم تسال كويس عن الاستاذ ابراهيم ومواقفه الرجوليه ضد الفساد
انا برده كنت زيك لغايه ما قابلت الاستاذ ابراهيم

ربنا معاه
ويارب ينجح وقلوبنا كلنا معاه

وان شاء الله ابن الهياتم يكسب

السلام عليكم ورحمة الله وبركاته
الى السيد ـ ابراهيم الفيشاوي المحترم
مما لا شك فيه ان ترشح اي أحد من القرية الى الانتخابات لا بد وان يقابل بالفرح واتوقع ان كل اهل القرية هيقفوا معاه حتى لو عنده قدر بسيط من المصداقيه ، وانت والحمد لله نحسبك على خير ولا غبار عليك مع انك برده مقولتش على برنامجك كاملا ـ بس اللي انا اقصده ان ان شاء الله البلد كلها هتقف معاك وده شئ مفروغ منه
لكن لو ظل الحال على ما هو عليه من خلال تزوير الانتخابات وتقفيل الصناديق لمرشحين بعينها معروفه مسبقا وفي بعض الاحيان عدم تمكين الناخبين من الادلاء باصواتهم فلا جدوى لما نفعله
فما الحل اذا لتغير الواقع الاليم الذي نعيشه الان في ظل الحكم الرشيد لهذا الحزب اللي كابس على نفسنا وسارق اموالنا واحلامنا وهادر كرامتنا وذلك بقيادة الطاغيه المريض واولاده وباقي العصابة
نحن نريد تغيير وضمانات لانتخابات حره نزيهة نقدر من خلالها اختيار المرشح الذي يختاره الشعب لكي يكون ممثلا للشعب وليس ممثلا على الشعب
وللحديث بقية

السلام عليكم ورحمة اللة وبركاتة كل عام وانتم بخير
رمضان كريم
تحياتى للاستاذ احمد منير والاستاذ وائل والاستاذ تيجر وجميع الموجيدين
وسلامى الى عابر سبيل اقل ما يوصف كلامة الا بلحكمة فهو فعلا ذو راءى رشيد
البرنامج الكامل لايتم الاطلاع علية الا بعد تقديم اوراق الترشيح
لان بعدتقديم اوراق الترشيح سوف ينسحب معظم المتقدمين وبعد كدة تعرف مين المنافس الحقيقى
معظم المشاكل الموجودة فى القرية موجودة فى معظم البلاد \\\\\\ على سبيل المثال
انقطاع الكهرباء المستمر فى عياش \\\\\\\\\\\\لية مايتمش ربطها على المحلة هى وشبرا
وتمثلية محاضر الصرف كل موسم انتخابى وفى الاخر يجى فلان ويشيل المحاضر
انقطاع مياة الشرب باستمرار فى العامرية والسجاعية
نفس المشاكل فى المعتمدية وصفط تراب وبلقينا
كلة بيشرب مياة ملوثة \\\\\\\\\\\\\

انا مش نازل علشان اخد قرشين \\\\\ واخلع او احمى ثروتى من الضياع او شركاتى انا مثلكم تمام لايمنعنى عن الانتخابات الا الموت
انا مش نازل علشان فلان او علان \\\
انا نازل علشان احقق شىء مش علشان اكون لاشىء
وللحديث بقية وكل عام وانتم بخير

نتمنى جميعا ان نحقق المراد معك يا استاذ ابراهيم

بالتوفيق ان شاء الله يا استاذ ابراهيم

وان شاء الله اهل الهياتم معاك

أتمنى فعلا ان أهل الهياتم كلهم يكونوا معاك ياأستاذنا

اَللّهُمَّ أعِنّي على صِيامِه وقِيامِهِ بِتَوْفيقِكَ يا هادِيَ المُضِلّينَ. وقَرِّبْني إليك برَحْمَةَ الأَيْتامِ ، وإطْعامَ الطَّعامِ ، وَإفْشاءَ السَّلامِ ، وَصُحْبَةَ الْكِرامِ


اَللّهُمَّ حَبِّبْ إلَيَّ الإحْسانَ، وَكَرِّهْ إلَيَّ الْفُسُوَق وَالْعِصْيانَ، وَحَرِّمْ عَلَيَّ سَّخَطَك وَالنّيرانَ بِعَوْنِكَ يا غِياثَ الْمُسْتَغيثينَ.

بسم الله الرحمن الرحيم

كل عام وانتم بخير اولا / احب اهنأ جميع المتواجدين في المنتدي بشكل عام وقسم الانتخابات بشكل خاص رغم اختلاف وجهات النظر الا انهم
اثبتوا ان في الهياتم شباب واعي ذكي حريص كل الحرص علي متابعة كل شارده ووارده وهذا ليس عيبا بل هي حريه شخصية
ان يعبر الانسان عن مافي قلبه دون خوف او كسوف احي جميع الاخوان الذين شاركوا في هذا الحوار (حوار المستقبل )
واعلم جيدا ان مرشحنا الاستاذ ابراهيم لديه من الصبر والحكمه في التعامل مع كل شخص
بقي ان اقول كلمه حق في هذا الرجل والله عالم وشاهد اني لست منافقا
(من يساعد الناس وهو ليس عضوا في مجلس شعب ولا حتي في مجلس محلي
فكيف سيكون وهو عضومجلس شعب ) ادعو الله ينصرك لكل محتاج وان يوفقك ويهدينا ويهديك الي الصراط المستقيم
للامام يااستاذ ابراهيم كلنا معك


( ابو فهد )

السلام عليكم ورحمة الله وبركاتة

تحياتى لكل الاعضاء الكرام وكل عام وانتم بخير جميعا

وكلامى موجة الى الاستاذ المحترم ابراهيم

بعد التحية


استاذى العزيز اكيد كلامك جميل وموضوع الترشيح اجمل واحسن ان يكون لينا احد من البلد نفسها وحاسس بالناس على حد علمى انك قولت كدا فى كلامك واتمنى ان تكون فعلا تعلم المشاكل الذى يعانى منها الناس سواء الهياتم او بلقينا او عياش والماء والكهرباء وعلى فكرة حتى لو المرشح شكل ما بتقول مش داخل تكبر الثروة حتى لو فى دماغك كدا مثلا مع احترامى لحضرتك مش هتفرق كتير لان مش هتكون بتعمل حاجة جديدة اساسا البلد من سنة 84 منهوبة وكلها حرمية انا بقصد البلد كلها عموما مصر وبقصد اكيد الكل عارف انا قصدى اية واللى مرتاح نفسيا وفى وظيفة محترمة اكيد الناس فهمة من غير ما اتكلم انها كوسة مطبوخة يعنى كلة وسطة وكلة بيلعب على كلة يعنى مش هتفرق كتير لو معملتش حاجة مثلا بسيا استاذى العزيز لو ان شاء الله ربنا يكرمك تنجح وتعمل حاجة للبلد وانا متاكد من كدا لان باين من كلامك كل حاجة جواك والانسان بيتعرف من كلامة وانا اذا قلت كلام شديد شوية مش قصدى عليك بس فى ناس كتير كدا وانا بقدر ليك كل احترام وحب وثقة بأذن الله ان ربنا يكرمك وتكون شى للبلد وبالتوفيق استاذ ابراهيم

مع خالص تحياتى بالنجاح والوتوفيق //وائل ابراهيم القصاص

السلام عليكم ورحمة الله وبركاتة

السلام عليكم اهل المنتدى الكرام وكل عام وانتم بخير جميعا

انا بصراحه شيف ان الاستاذ وائل عنده حق شكل تيجر بظبط وعلى فكره ان مع ابن بلدى سواء كان هيخدم البلد او هيخدم نفسه

فين الاستاذ ابراهيم يجاوب ياجماعه هو المنتدى معمول للاعلانات ولا معمول الناس تتناقش فيه ........بطلب من ادارة المنتدى ان الاستاذ ابراهيم يرد ضرورى جدا على الاسئله دى وبعدين فيه حاجه انا شايفها ..........مافيش كلام غير على الاستاذ ابراهيم ياترى فيه مصلحه شخصيه من ورا ده ولا الأستاذ ابراهيم دفع نظير الاعلانات اللى معموله على المنتدى ....معلشى مجرد الكلام على المنتدى شهره ليه طبعا ........بس احنا عايزيين نعرف اذا كان المنتدى بيستفيد من الشهره الجارفه للاستاذ ابراهيم يبقى تمام واذا لم يكن يستفيد ........لماذا لم يعلن المنتدى عن أسماء باقى المرشحين ولو هنتكلم فى اللى بيعمل واللى ما بيعملش ليه ذكر اسم المهندس جلال صقر وهو مش ابن الهياتم وكمان اعتقد انه ما عملش حاجه لحد ولماذا لم يذكر اسم الاستاذ يحي المسيرى برغم على الجميع بمساعدته للفقراء وأنه أكثر الاعضاء تواجدا وظهورا بين الناس ........أنا كلامى فقط علشان عايز توضيح للأمور كلنا عارفين ياما ناس كانت مثال للأخلاق والشرف والفلوس غيرتهم أو المنصب غيرهم واللى فيكوا يحلف ان الاستاذ ابراهيم مش هيتغير أو أى عضو مش هيتغير من الاسوء للاحسن او العكس مش هصدقه غير لما يكون سيدنا محمد الصادق الامين وطبعا سيدنا محمد مات وبالتالى لن أصدق أى كلمه حتى ينجح من ينجح وأرى الفعل بعينى لمصلحة الدائره كلها وشكرا لسعة صدركم

بص يا استاذ ستار ادارة المنتدى بتعمل الحاجات دى وبتتعب يعنى رحنا للمهندس جلال صقر صفط وتقدر تروح له وتساله

وروحنا للحاج يحيى بس كان الوقت غير مناسب للتصوير

عاوزك تعرف حاجة وحيدة بس

احنا مش مطلوب منا نعمل الحاجات دى ولا بنتقاضى عليها فلوس بالعكسش بندفع التمن من وقتنا ومجهودنا

كل ده ليه ممكن تقول عشان فاضيين بالعكس كل الادارة جامعيين

وحاجة كمان التليفون اللى بنصور بيه مش بتاعنا باخده من ابن خالتى

يعنى مفيش عندنا اى امكانيات نهائى
وبرضه بنعمل ومش بنسكت وشغالين


انت عملت ايه

الاعضاء عملوا ايه لما نبق طالع عينينا وتييجى تعملى تسلم الايادى متخيل بيكون شكلى عامل ازاى

كلام شكل اللى انت كاتبه ده متخيل شكل بعده ازاى

موجه الانتقادات والاوامر دى كانت انتهت

وكنا خلصنا مش عارف ايه اللى رجعها تانى

متخلنيش ادعى عليك

مش عارف انا كل واحد يدخل يقولى مصالح شخصية مصالح شخصية
هو احنا استفادنا قبل كده عشان نستفاد استفاده شخصية دلوقتى
الموضوع بأختصار بقى أكبر من المصلحة الشخصية
وفى حاجة مهمه جدا ان اى مرشح بيدخل الانتخابات العام ده مقدر حجم صعوبتها لان العام ده هيتعامل مع فئه او جيل أخرغير الذى تعامل معهم من قبل فكر تانى شباب فاهم كويس هو عايز ايه ومن داخل للمصلحه العامه ومين داخل للمصالح الشخصية معتش حاد قادر يضحك علينا وبعدين كل واحد داخل ينصح وبعتقد انه هو الاعلم والاقدر والى فاهعم موضوع الانتخابا ت واهم من الانتخابات يا جماعه خلاص
قولتلكم كل واحد فى البلد الصغيرفيها بقى فاهم كويس معتش الهياتم بتاع زمان بتاع الشعارات والكلام الجامدوكل ده هاعمل واعمل واعمل
كل واحد فينا قادر يعرف من من المرشحين الى هيعمل للمصلحه العامه وليس للنوع رخيص من المصالح
والى ناوى ينتخب حاد ميستناش الشخص ده يعرض علينا كلامه وبرنامجه كل واحد يبحث عن الشخص الى هينتخبه يعرفه كويس يدرسه مش هو الى هيقنعك ودى وجهه نظرى لنفسى
باختصار على جميع الاعضاء من يكتب شى يعرف معنا الكلام وهو بيكتب ايه وبيجرح فى مين ونلتزم الهدوء ونكرر احنا عايزين ايه كمنتدى احنا عارفين ابراهيم الفيشاوى وصقر ويحيى وغيرهم من المرشحين لازم نجتمع على راىء واحد.

انا من راي الاستاذ احمد منير
بس في حاجه احب اعقب عليها
لو تخيلنا ان الشباب عارف فعلا من هو المرشح النزيه ومن هو الكلمنجي
مين يضمن لنا ان الانتخابات هتكون نزيه 100%

ربنا معاك يااستاذ ابراهيم
والله قدها وطول عمرك هتكون مثلنا في الكفاح وخلي اللي ميعرفكش يقول عدس

الي الامام يا سيادة النائب


( ابو فهد )