مفاجاه من العيار الثقيل

بجد كل التصفيق الحاد لجميع أعضاء هذا المنتدى الذى أثبت نضج الفكر وتطور ثقافة الشباب رغم استعمال لفظ جهااااااال من محب الهياتم وهذا يؤخذ عليه أخذا تام رغم اتفاقى معه هو العضو الكريم ستار فيما قالوه

أرجو ان تتقبلوا رأيى
معنى كلمة منتدى هو مكان يجمع أى مكان للتجمع ........ولكن التجمع على ماذا فكره ام رأى أم الاثنين وهل القائميين على المنتدى لا يستحقون أن يتوجوا مجهودهم وأنا لا أتحدث عن دعاية الانتخابات لقد طرح علينا الاسطوره أمرا مهما يجب أن نقف عليه جميعا كأعضاء لا توجد امكانيات والمنتدى مازال يعمل ومازال يتقدم اذا أين الاعضاء لتساعد هل تعودنا الكتابه وتسجيل مساهمات العضو الموجود بالسعوديه هل ستفرق معك 50 جنيه او 100 والعضو الموجود بالهياتم هل تفرق معه 10 جنيهات لتطوير اسم بلدكم وجعل منتداها الافضل لقد أصبح الامر خطيرا حين تظهر عوائق هيا نثبت لأنفسنا اننا قادرين على انهاء المصاعب التى تواجه البيت الذى يجمعنا .......حاولوا أن تنسوا الانتخابات وحاولوا ان تنسوا العضو الذى شهرتموه فقط فكروا فى منتدانا أيها الاعضاء لا نريد عمل اعلانات ولا دعايه انتخابيه ولا نريد أموال بل فقط نريد أن نثبت للجميع أننا قادرين على الوقوف يدا واحده حتى تكون لنا كلمتنا .

وكل عام وانتم بخير

شعب بتاع كلام نموت فى الكلام والنقد والكلام بيطلع مننا كده ولا عرفين قمته محنا فرعنا
من فضلكم بلاش الطريقه دى والى يقدر يقدم مجهود يقدمه والى يقدر يساعد يساعد بلاش شغل الفهلوه بتاع المصرين ده والكلام فى الفاضى انتم مثقفين واحنا جهلا ولا يهمكم عادى
متزعلش يااسطوره احنا الجهلا مقدرين مجهودك اوووى ومجهود الناس الى بتتعب فى المنتدى
ومع ذلك احنا بنحترم كل فكر كل واحد وكل مثقف فى البلد وبنحترم الفهلويه اكيد واكيد هنحترم نقدك ايها الثقف ولا هنرد بعصبيه زى منتم بتقولو ولا هنعمل زوبعه للمرشحين ولا نشهرهم ولا اى شىء
بس والنبى بالراحه علينا شويه ايها الفهلوى

كل احترام وتقدير للاسطوره وليدو

بصراحة الكلام كلة تمام مع اختلاف النقد والاختلافات فى الاراء بس الاسطورة كلامة واضح هو اية اللى يغصبة ان هو يعمل او الادراة تعمل حاجة شكل دى وهو مش كسبنا حاجة اكيد حب البلد وحب التغير للاحسن ومش هنخسر والله حاجة كتير لو وقفنا جنب ابن بلدنا كدا كدا بنقف جنب الغريب ومش بيعمل حاجة يبقا ابن بلدنا هى الاحسن ونشوف هيعمل ولا مش هيعمل وان شاء الله هيعمل بس احنا نقف وراة ونشجعة ونسندة بأذن الله وتحياتى لربيع برحب بية فى المنتدى اخبارك بلوك 47اية على صوتك يانجم وربنا يبارك فى الجميع مع اختلاف الرئى

مع احترامى ليك ياأستاذ محب على كلامك على الاخ الاسطورة واعتراضك على كلامة على التلفون او بكاميرا او التصور اللى بيعملة وهو معندوش حاجة الاسطورة قصدة لو انا مش غلطان ان هو بيعمل كل دة بناء على حبة لبلدة وللمنتدى ولا عضاء المتدى علشان الناس تعرف الجديد وكل مكان بيكون فية الموافق والمعارض والرئى بالاغلبية ان شاء الله فى كل حاجة وكل واحد لية احترام فى رئية لا الاختلاف فى الرئى لا يفسد فى الود قضية واحترام الحرية للشخص فى اى شى احترم للناس كلها والمنتدى والاعضاء


ومع احترامى المتواضع لاى رئى وشخص موجود لابد من الاتعامل مع اى موضوع بالنقاط التالية واتمنى بجد نكون كلنا
 
حتى لو فى اختلاف فى الرئى ان نجتمع على الرئى الصح فى الاخر ومش عيب لما الواحد يغلط فى رئى وهذة هلى النقاط



1-أن يدرك المتحاورون أنهم قد يتفقون وربما يبقى كل طرف على رأيه إذاً ليس الإتفاق شرطاً للحوار وأن لكل طرف دليل ليثبت صحة رأيه وقد يثير هذا الدليل غيرة الطرف الأخر فهنا يجب أن يقف كل طرف عند حده المعقول دون الخروج عن الموضوع والدخول في جدال لا طائل منه ومضيعه للوقت .

2-إحترام الشخص كشخص قبل الدخول في وجهات النظر ومن ثم إحترام رأيه هذه من أهم الأداب الإسلاميه وتزيد أهمية هذا الأدب في حال الإختلاف في الرأي لأن النفس البشريه تميل لحب الذات والأنتصار لها .

3-حاول أن تتفهم وجهة نظره أي الأخر ولا تتعصب لرأيك بمجرد أنه هذا ماتراه
فمن المحتمل أن تكون على خطاء-

4-إحترام رأيه وعدم السخريه منه أو تسفيه رأيه لأن تسفيه رأيه سوف ينشئ الضغينه والحقد والخروج بالموضوع عن هدفه الرئيسي.

5-ضبط النفس وعدم مجاراة الطرف الأخر ممن لا يحسنون أدب الحوار ويحبون الضهور حتى وهم ليس لديهم ما يقدمون.

6-الموضوعيه في الرأي والأنصاف وترك التعصب والتجرد من أي إعتبارات أخرى.

7-الرفق بالأخر إ ذا ثبت خطاء رايه وعدم الوقوف على أخطائه وزلاته والتشفي به
فهذا العمل ليس من شيم الكرام .

8-إختيار الأسلوب الأسهل في الحوار ومخاطبة الناس على قدر عقولهم.
هذا ما يحضرني الأن وأعتذر عن أي قصور فهذا جهد المقل ....

مع احترامى التام لكل عضو متواجد فى المنتدى

انا مش قصدى اشكى همى لاى حد لما ذكرت التليفون بس حبيت اوصل رسالة موصلتش طبعا

حبيت اوصل ان احنا بنعمل كده وبنتبهدل وانتوا بتتكلموا كانه فرض علينا

حبيت اوصل ان احنا بنجرى ورا ده وورا ده وده يدينا ميعاد وميوفيش وانتوا قاعدين فى بيوتكم على مخدات قطن بلاش اقول ريش نعام

حبيت اقول ان الحوارات دى لسه معرفش اذا كانت قانونية ولا مش قانونية يعنى ممكن بين لحظة وتانية نبقى فى .............كل سنه وانت طيب

حبيت اقول اسأل سؤالك باحترام وعلى فكرة المرشح مش مطالب يرد عليك فى الوقت الحالى

حبيت اقول هل ممكن يكون الهجوم خير وسيلة للدفاع

حبيت اقول اللى منفعل للدرجة دى وبيحب بلده يعرفنا بنفسه ويكون فريق عمل للمنتدى ويورينا شغله
وعلى فكره الشغل مجانى واحيانا هتدفع من جيبك

حبيت اقول لبوبوس بما انك 39 سنة اتبرع وهات لنا كاميرا مع العلم كنت انا وكسبر هنشترى واحدة
ثمنها طلع غالى علينا
حبيت اقول يعنى ايه اخد من واحد مرشح فلوس عشان لقاء او حوار او موضوع على المنتدى

حبيت اقول ضاعت الشهامة وصرنا عبيد الذلات
أسف آسف عليك ولدى

فعلى مثلك يكون الاسف

فاذا ماكان من مثلك

فليس عليك لوم ولا عتب
ولنا لقاءات اخرى

احب اوضح نقطه بسيطه غابت عن بال كل الاعضاء
فيه اعضاء محترمين تكلموا عن ضروره وجود مقابل مادى مقابل الاعلان عن اخبار
اولا اداره المنتدى لا تتقاضى اى مبالغ ماليه مقابل اخبار تقوم بتنزيلها على المنتدى
ثانيا الحاله الوحيده التى تسمح اداره المنتدى باخذ اموال فيها هى الاعلانات للمحلات التجاريه بالقريه
اظن كلامى واضح وقاطع

اى فرد من خارج اداره المنتدى رجاء منه لايتحدث عن الامور الماديه
لان الامور الماديه هى مشكله اداريه لايتحدث فيها الا الاداره

وبعدين الاستاذ ابراهيم قبل ان يفكر فى الترشيح
هو عضو معنا بالمنتدى يمدنا بالاخبار ونستفاد من افكاره الرائعه

فكيف لاداره المنتدى ان تتخلى عن عضوها وهو يقوم بعمل رائع نتمنى ان يكمل للنهايه
انتمائنا للاستاذ ابراهيم
اولا انه ابن من ابناء الهياتم وهذا منتدى لابناء قريه الهياتم
فمن الطبيعى ان يقف المنتدى بجوار مرشح الهياتم

وثانيا الاستاذ ابراهيم يستحق ان نقف ورائه
لانه وهو الرجل البسيط باله مشغول بهموم الناس ومشاكلهم
بالرغم من انه ابسط منهم حالا


اتمنى ان اكون اوضحت الصوره للاعضاء بشان انتماء اداره المنتدى وتايدها للاستاذ المحترم/ ابراهيم ابراهيم الفيشاوى

اذا لحين رد الاستاذ ابراهيم أنا رايى يتم غلق الموضوع نهائيا حتى لا ندع مجالا للكوسه

لن يتم غلق الموضوع النقاش لازم يكون شغال لحين ما نعرف ايه الصح وايه الغلط

السلام عليكم ورحمة اللة وبركاتة
سلامى لادارة المندى جميعا
سلامى الى جميع الاعضاء بلا استثناء
يبدو ان الاخ الاخ تيجر قد جهز بعض الاسئلة على ايجابتى قبل ان اجاوب
اولا انا لم ادخل الانتخابات طمعا فى السلطة او الامتيازات
ثانيا انا ابراهيم الفيشاوى ابن الهياتم عضو حزب العمل من سنة 1986 لست جديد على العمل السياسى اخوض تجربة الانتخابات لاول مرة
مثلى مثل جميع المرشحين عدا جلال صقر وحمدى صديق مع حفظ الالقاب وانا لست من جزر القمر معزول عن الناس
ثالثا اما عن الانجازات ارجو ان تذهب الى الوحدة المحلية او المجلس المحلى وتسال ولاكن هل سئلت الاعضاء الحالين عن انجازاتهم وهل سالت المرشحين عن انجازاتهم الحا لية والقادمة ارجو الا نصل لمرحلة ان زمار الحى لايطرب
رابعا انا لست من اصحاب الشلة وجميع المحبين من اصحاب الراى الحر مش ذى حرامية الحزب الوطنى
والسلام عليكم ورحمة اللة وبركاتة
وللحديث بقية اخوكم ابراهيم الفيشاوى

هو الانتخابات امته

هتبقى ف ميعادها باذن الله يا حمادة

نورت الموضوع تانى يا استاذ ابراهيم

والانتخابات يا كارلوس
فى اخر اسبوع من شهر ديسمبر 2010

ان شاء الله

بسم الله الرحمن الرحيم

اولا ---انا سئلت كم سوئل ومتهيئلى ان دى من حقى بل من حق كل فرد فى هذه الدئره ان المرشح يكون عنده الرد على اى سؤل وهذا حق كل فرد

ثانيا---انا لسه مااخدتش رحتى معاك فى الاسئله والنقاش ودلوقتى نرجع للاسئله اللى مجوبتش اللا على سؤل وحدمنها ويريتك مجوبت
الاسئله

(1)
انت داخل الانتخبات ليه (طمع فى السلطه وامتيازات مجلس الشعب ) ام (لخدمت اهل الديره)
...............................
ردك هيكون له اسئله تانيه

ودى الاجابه
اولا انا لم ادخل الانتخابات طمعا فى السلطة او الامتيازات

سؤلى الجديد
امل داخل ليه (عشان خدمة الناس )اكيد لالالا-------لان اللى معه ملايين معملش حاجه يبقى اللى ممعهوش هو اللى هيعمل (صعب الناس تصدق))
وبعدين اللى داخل وممعهوش مش لاذم يكون نفسه الاول وبعدين يفكر فى اهل الديره

السؤل الثانى----
(2)
من هو ابرهيم الفشاوى بالنسبه لاهل الديره وبالنسبه للمرشحين الفطاحل امامه

جوابك --كان

ثانيا انا ابراهيم الفيشاوى ابن الهياتم عضو حزب العمل من سنة 1986 لست جديد على العمل السياسى اخوض تجربة الانتخابات لاول مرة
مثلى مثل جميع المرشحين عدا جلال صقر وحمدى صديق مع حفظ الالقاب
--------------------------------
عضو حزب العمل من سنة 1986
هذا الحزب الواقف عن العمل((مبروك عليك حزب العمل ))
مسمعناش عنك فى اى عمل سياسى احنا اللى سمعنه عن الاستاذ ابراهيم مشاكل فى مشاكل حتى ولوكانت فى مصلحة البلد كان فيها شهره ليك وهو دى اللى الاستاذ ابراهيم عوذه

اما بنسبه للمرشحين فنتا ذكرت اثنان ولم تذكر اى احد من الاخوان--------------مش مهم

(3)
ماهى انجازاته لاهل البلد
ثالثا اما عن الانجازات ارجو ان تذهب الى الوحدة المحلية او المجلس المحلى وتسال ولاكن هل سئلت الاعضاء الحالين عن انجازاتهم وهل سالت المرشحين عن انجازاتهم الحا لية والقادمة ارجو الا نصل لمرحلة ان زمار الحى لايطرب

اما عن الانجازات ليه اسئل الوحده هو انت مش مرشح متجوبنى وللا لوعملت مؤتمر وحد سئلك سؤل هتقول روح اسئل الوحده

واماسئلش الحالين لان عارف انهم معملوش حاجه للبلدانا بسئلك انت بصفتك ابن البلد

وبعدين يعنى ايه ذمار الحى لايطرب هو لاذم ذى ماالغريب ضحك علينا يبقى ابن البلد اولا

انه يضحك علينا


(4)
وهل للمرشح الجديد شله غير شلة النصب والهتيفه الموجوده ورا كل عضو اللى عمرهم معملو شيىء للله

وهذا جوبك
رابعا انا لست من اصحاب الشلة وجميع المحبين من اصحاب الراى الحر مش ذى حرامية الحزب الوطنى

اتمنا من الله ان يكون هذا افتراء منى عليهم ويكونو عند حسن ظن الناس

فهناك مثل يقول ((جنه من غيرناس ما تنداس))

واخيرا وليس اخر ان كنت خيرا وتوريد لاهل هذا البلد خير فسوف يوعينك الله
وان كنت غير ذلك فالله خير حافظا وهو ارحم الرحمين

وانا والله مبتحامل على احد ولكن اعلم علم اليقين ان الجنيه عندك براجل والله على مااقول شهيد

ولى لقاء اخر لانى اعلم انك سوف ترد بس يريت يكون فى مصلحة هذة القريه

السلام عليكم كل هذا الكلام الذى اقراءة جميل جدا عن ترشيح الاستاذ ابراهيم الفيشاوى وللكن مهما لم ولن يرضى الخزب الوطنى ان ي
كون نمن قرية واحدة عضو لمجلسالشعب وعضو لمجلس الشورى وباقى المركز لا والسلام

يا تيجر
الاستاذ ابراهيم اعتقد انه جاوب على كل الاسئله
فى كل ردوده
ركز بس فى الردود كلها

مش هاوقفك ولا حاجه
بس عاوز اعرف عرفت منين انى باروح للاستاذ ابراهيم
واننا بنضيع وقت
ان شاء الله احنا بنبغى خير للبلد كلها ان شاء الله

كده تجسس بقى

الموضوع كبير بقى

لو فيه خصومه بينك وبين الاستاذ ابراهيم قولى

اوك تمام يا تيجر
وبجد كلنا هنا اسره واحده محدش بيكره حد