حزب الشباب العاطل الي اين !!!!!!

يعنى الحزب ده يا عادل هيدينا فلوس

اكيد يا اسطورة بس نبقي كتير

[img][/img] شباب عاطل ولا باطل اللى عاوز يشتغل مش هايستنى مجاله والشغل كتير ومعظم الناس اتعلمت واشتغلتفى مجالات غير تخصصها

ماشي يا استاذ رضا كلامك علي راسي بس حضرتك مش فاهم كلامي وعلي فكرة احنا شغالين والحمد لله بس انا بتكلم انا اتعلمت اخدت اية من العلام

العلام اللى انت اتعلمته لو مش عارف اهميته تبقى مصيبه التعليم نور للعقل وبصيره للقلب وتاديب وتهذيب للمشاعر وليس التعليم اداه للحصول على عمل

حلو كلام العارات اللي لابيودي ولا يجيب ده وعلي فكرة كلام حضرتك ده كلام نابع من التربية يعني في تربية وفي تعليم التربية اللي حضرتك قولت عليها انها نور للقلب والكلام الي زي العيل ده اما التعليم فمتهيألي اننا اتعلمنا علشان نفيد ونستفيد من التعليم ده نفيد الناس اللي ممكن نقدملهم حاجة جديدة من اللي احنا تعمناه ونستفيد ان نكون لينا علي الاقل مكان وسط الناس اللي عاوزة تاخد زمانها وزمن غيرها ومتنساش حضرتك اننا لما خلصنا تعليم كنا عملين حسبنا نتعامل مع فئة معينة من الناس اللي من الاخر التعليم اللي حضرتك بتتكلم علية تنفع معاهم اما لما اتخرجنا اتضح انك لازم تتعامل مع ناس تانية خاااالص لو استخدمت التعليم معاهم هتاد فوق دماغك وهي زي ما عادل امام قالها البلد معدتش محتاجة مهندشين ولا دكترة البلد محتاجة صيع علشان تعرف تعيش ويا ريت حضرتك متفهمش صيع دي غلط انا قصدي انة لازم يعرف يتعامل مع الناس اللي الكلية اساسا معلمتوش يتعامل معاهم ازاي

دى مشكله كبيره فعلا
يعنى واحد يتعلم ويدرس ويطلع عينه فى المذاكره ويستحمل هم الثانويه
وفى الاخر حد اقل منه يشتغل فى وظيفه احسن منه

دلوقتى كله بيدور على سفر بره مع انه مش هيشتغل بو ظيفته بس مقدموش حل غير كدا

لانه لو قعد فى بلده مش هيشتغل ولو اشتغل هيشتغل بغير مؤهله وفوق كل ده بمرتب قليل
يبقى سفر بره احسن ع الاقل فيه فلوس

عندك هحق والله الله يعينا علي كل الهموم دي

اولا العلم شىء ضرورى واصبح الحال فى مصر ان الخريجين مبيشتغلوش بشهادتهم العلمية

فده مش معناه اننا نقاطع التعليم

لان التعليم ده ميزان للعقل مش مجرد شهادة

كويس يا اسطورة

يارب يعينا يارب


معاك يا اسطوره العلم ميزان العقل

بس الايام دى تفتكر كداا

ان العلم بقى اهم من الشغل

الايام دى الشغل الناس بتفكر فيها اكتر من التعليم

يا ريت يا جماعة اللي معايا في الراي يقول واللي ضدي يقول وجهت نظرة ويفهمني لية
وانتي كبنت تتمني تتجوزي واحد شغال اي حاجة ولا لازم وظيفة معينة يعني مثلا معاه كلية وقاعد ولا تتجوزي حلاق معاه فلوس وا الحاجات دي كل واحد بدماغة واللي مع فكرة ان البلد معدتش محتاجة مدرسين ودكترة والبلد محتاجة صيع يقول

انت بتحسسنى ان انت قضيت فتره تعليمك دى كلها فى الخارج او انك كنت بتتعلم ومغمض عينك ومش حاسس ولا دارى باحوال البلد انا متهيالى انى لوحدى وسطكم اللى عايش الحقيقه كما هى دون فلسفه او دون تجميل انا مش ضد ان الانسان يبحث عن عمل يناسب تعليمه ولكن اذا لم يتوفر له هذا العمل فهل يكون هذا مبرر له حتى يجلس على القهوه ام انه يستخدم عقله فى صنع قدره و فى النهايه يجب ان تؤمن بان كل منا ميسر لما خلق له ولو راجعت اعداد الخريجين من كل الجامعات كل عام ستجد انها اعداد تفوق الوظائف الحاليه سواء الشاغره او المستخدمه فالحل اذا اما فى تقليص الاعداد او البحث عن مجالات اخرى وفى النهايه احب ان اقول ان البلد زى ماهى محتاجه للطبيب محتاجه برضه لطبيب ناجح فى عمله وليس طبيبا يحمل شهاده فقط او مهندس لا يعلم عن مهنته سوى تلك الشهاده التى حصل عليها دون تعب وهى ايضا بحاجه الى الفنيين من المدارس الصناعيه والعمال الذين لم يكملو تعليمهم وتعساء الحظ الذين لم تتوفر لهم فرص التعليم وهذه هى درجات الله فى التفضيل بين خلقه والا لما وجدنا ذلك الشخص الذى يحمل قمامتنا وينظف شوارعنا افيقوا من احلامكم قبل ان تضيع الفرصه من تحت ارجلكم

بجد كلامك كويس جدا يا استاذ رضا وبجد اشكرك علية بس انا والله شغال مش قاعد الحمد لله وعندي مشروع كويس بس انا بتكلم عن مجالي حابب اني شتغل فية وبجد شكرا علي كلامك وبجد شكلك فعلا حد كويس وبجد كلامك منطقي مينفعش ارد علية غير بشكرا

لا داعى لان تشكرنى فكلنا نعانى من تلك الماساه ولكن لا يجب ان لا نستسلم ولا احد منا يعلم قدره وكماقال المعصوم صلى الله عليه وسلم لو علمتم الغيب لاخترتم الواقع تفتكر لو كنت استنيت مجالك كان هيبقى عندك فرصه تعمل مشروعك اللى هوه اكيد بالنسبه ليك كل حاجه ومع مرور الايام هيصبح هوه مجالك صدقنى وربنا يوفقك ويوفق الجميع

لا طبعا متجوزش حلاق متغور الفلوس
اللى متعلم هيفهمنى
لكن ممكن اللى معاه فلوس دا يحصله حاجه تضيع فلوسه
لكن المتعلم مستقبله كويس
وربنا مبيسبش حد

كلامك ده بيحسسنى ان الحلاق ده مش بنى ادم او انه من كوكب المريخ مع ان معظم الحلاقين متعلمين وبعدين براحتك استنى بقى المتعلم اللى فى باللك اللى هيفهمك بس لازم يكون معاه الكتالوج

انا مغلطتش وقولت انه مش بنى ادم
لكن اللى هتجوزه دا هيبقى للعمر وانا من جوايا هبقى مش راضيه بالحلاق
يبقى بظلمه وبظلم نفسى معاه
ولا اتجوز واطلق وابقى خسرت كل حاجه


وبعدين تقصد ايه بالكتالوج ؟

طيب لو كان حلاق ومعاه بكالوريوس برضه هترفضيه علشان شغال حلاق ولا على راى اللمبى نوسه عاوزه تتجوز ظابط يعنى بنحلم واحلامنا هى اللى بتتحكم فينا ولا احنا اللى بنتحكم فى احلامنا ارجو التوضيح

اللى ربنا بيريده بيكون
بس انا مرضاش بحلاق ودا مش غلط لاسمح الله فى الحلاق
بس دى الحقيقه
بس لو ربنا كاتبلى انى اتجوز حلاق هتجوزه حاجه فى علم الغيب

وياريت تقولى يعنى ايه يكون معاه كتالوج؟

هسالك انا سؤال انت ترضى تتجوز كوافيره؟

ياريت كان ينفع اتجوز تانى كنت اتجوزتها بس انا متجوز الحمد لله

كل واحد وله طريقته فى التفكير

انا كان ممكن اقولك وفيها ايه لما اتجوزه
بس انا مش بحب اكدب

على فكره ردى مش كدبه لان طبيعه العمل لا تنعكس بالضروره على شخصيه العامل والكوافيره انسانه ممكن تكون تستحق او ممكن متكونش تستحق ومن واقع تجربه صديق لى معه بكالوريوس تجاره واصر على ان لا يتزوج الا من فتاه مؤهلهل عالى مثله وبالفعل تزوج من مدرسه ولانها مدرسه اصرت على ان تكمل عملها ثم بعد ذلك قسمت مصاريف البيت بينها وبينه ثم بعد ذلك الزمته هو بكل مصاريف البت واحتفظت لنفسها بكامل دخلها وترتب على ذلك سوء تربيه لاطفالهم فهو تقريبا لا يترك العمل حتى فى يوم الراحه وهى تتفنن فى تعذيبه بالطلبات حتى وصل الامر فى النهايه الى حد الطلاق وهى قصه ليست من نسج الخيال انما اريد ان اقول ان الشخصيه الجيده ليست بالضروره ان تكون معها شهاده عليا فابى وابيكى تقريبا لم يحصلوا على نصف ما حصلنا عليه من التعليم ومع ذلك انشاوا اسره يعجز وعجزت اجيال عن تحقيق ما حققوه

كلام جميل

بس الاساسى ان الزوج عليه مصاريف المراه هى مش مجبره انها تساهم فى البيت
بس الى بتساهم دى بتبقى واحده عارفه ظروف الحياه
لكن اللى مش بتساهم معليهاش اى ذنب