حزب الشباب العاطل الي اين !!!!!!

تذكير بمساهمة فاتح الموضوع :

[size=18]لا مش القرموطي هو اللي كان عاوز يعمل حزب الشباب العاطل المفروض بجد نعمل حزب الشباب العاطل كان الاول نبصلة علي انة كوميديا او حاجة كلنا بنضحك لما بنسمعها بس دلوقتي الموضوع بجد بقي بايخ جدا او تقدروا تقولوا ذاد عن حدة شباب زي الورد اتخرج من كليتة بتفوق والحمد لله معظمهم تقديرات وناس طبعا محترمة تعالي واسالهم بتعملوا اية دلوقتي اللي قاعد في البيت واللي دور مرة وزهق واللي سمع تجربة واحد صحبة وعرف انه مهما دور برضة مش هيلاقي حاجة وبرضة هيستمر كعضو من اعضاء حزب الشباب العاطل يعني البحث والتمحيص مفيش منة نتيجة واللي قال او اعتمد علي ناس انها ممكن توصلة للمستوي الاعلي ويعيني في الاخر ضحكوا علية وبقي زية زينا اه ...... قصدي زي حزب الشباب العاطل بجد الموضوع صعب ومش هيحس بية غير اللي عاشة بجد هحكيلكوا قصة واحد اتخرج بتقدير جيد جدا في ليسانس تربية انجليزي وواحد تاني ليسانس تربية عربي وكمان قال يمكن المشكلة في التعيين ان لازم شهادات خاصة وكده فقالوا لما يعملوا دبلومة وعملوا دبلومة وكالعادة بتوفيق ربنا ودعوة الوادلين نجحوا بتقدير جيد جدا فقعدوا يدوروا علي المشكلة فين المشكلة فين ولية مفيش تعين فكروا وقالوا يمكن لازم الف وادور واهين نفسي لدول ودول فلفوا علي المدارس الخاصة قالوا بقي دي مش حكومة دي خاصة يعني التعيين فيها اكيد مش بوسايط ولا الكلام ده زي الحكومة راحوا ويارتهم ماراحوا سافروا اكتر من مكان واقدموا في مدارس لغات وكانت النتيجة كالاتي اول مدرس مودرن سكول الطلائع اتفضل يا افندم حضرتك معاك اية ليسانس تربية انجليزي وحضرتك ليسانس تربية عربي لا سالت بقي علي تقدير ولا علي دبلومة ولا الكلام الفرغ ده دي سالت سؤال واحد معاك خبرة قولت لا انا متخرج بقالي سنة حتي السنة اللي اتخرجت فيها عملت فيها دبلومة هعمل خبرة امتة المهم قالتلي لا بالنسبة لحضرتك الخبرة مطلوبة وبالنسبة لحضرتك ( العربي ) احنا استكفينا يا نهار ابيض طبعا احنا مزهقناش ولا ملينا خالص رحنا مدرسة تانية مودرن سكول المنار وهناك شوفنا حاجة رهيبة بجد المفروض منكملش لف او بحث بعدها بص يا سيدي روحنا هناك كالعاده الكرتيرة هتقبلك هتقولها عاوز اقدم لوظيفة هتقولك اتفضل املي الابليكيشن اللي هيا بيانات حضرتك اخدت البيانات واعدت املاها وانا بملاها دخل علينا 3 بنات اشاء الله عليهم فطلبوا وظائف المفروض يملوا الابليكيش لا حصلت حاجة غريبة جدا قالت لهم معاكوا مؤهل اية قالوا دبلوم متوسط انا طبعا مستني انها تقولهم بره فوجئت انها بتقولهم هتيجي بكرة الساعة 5 تستلموا الشغل وبدءوا يتكلموا في تفاصيل الشغل بصيت في وش صاحبي وفي حركة واحدة رمينا انا وهي الورق في وشها وسبناها ومشينا اظن حضرتكم هتقولوا المفروض تكمل بعدها عارفين والله اللي بيدائ مش قلة الشغل اللي بينرفزو يخلي الواحد مخنوق انك تدرس حاجة وتشتغل في حاجة تانية خااالص واللي يضيقك اكتر انك تبقي حاسس ان عندك حاجات كتير تقدمها للناس ومع ذلك الناس بترفض انك تقدمهلهم بجد صعب صعب صعب وبجد الموضوع ده ملهوش حل من وجهت نظري هو مجرد نداء من احد الشباب العاطلين للحكومة ارحمونا ونداء خااااالص لكل اخواتي الصغيرين اللي لسة بيتعلموا حالوا تلاقوا نفسكوا في مجال احسن من التعليم صدقوني حتي موضوع انك تتقدم لوحدة حتي لو بتحبها وهي يعيني بتموت فيك يوم اتنين تلاتة وتلاقيها تبص للي معاه فلوس ووو ظيفة بلاش تهريج الموضوع منتهي وهي حزب العاطلين --

[/size]

حلو اوى الكلام ده يعن انتى خدتى اللى ليكى وسيبتى اللى عليكى الراجل ملزم بمصاريف البيت والست مش ملزمه بتربيه الاولاد يعنى شغلها يغطى على واجباتها يعنى يطلب منها حاجه تقوله اعملها انت انا بشتغل زيى زيك يعنى تسيب الاولاد عند الجيران او مع امها علشان تروح الشغل وهما مش فاضيين لحد وفى الاخر نرجع نقول شباب بايظ ليه

وهى تربيه الاطفال مسئوليه الام بس
ولا الاب بقى فلوس بس

ايوه كده لما تتزنقوا تعيطوا..........الاب له ساعات فى اليوم ويوم فى الاسبوع.....لكن باقى الايام والساعات لمين

انا متنزقتش
بس دى الحقيقه
الاب المفروض يشترك فى تربيه الاولاد
حتى عشان يبقوا قريبين منه
ميبقاش بالنسبه لهم كل مايعوزوا فلوس يبقوا عاوزينه لكن بعد كدا يروحوا لمامتهم

احنا خرجنا برة الموضوع خاااااااالص كنا بنتكلم عن البطالة دخلنا في موضوع تاني خالص وبالنسبة لسؤلك انا مش قصدي الحلاق والكوفيرة وكده انا كان قصدي اني اكون متعلم وحبيت واحدة ويجي واحد اكبر منها ب 10 سنين ويخطبها علشان هو جاهز حلاق بقي كوافير مش مشكلة كلها مهن

صراحتك كويسة جدا بس مش عارف لية حاسس انها كلام شعارات كلة ساعة الفلوس بيقي عادي

وبعدين في سؤال مهم برضة لية البنات هي اللي بتبقل في معظم الوظائف المتاحة هل ده علشان هما كده كده مبيعملوش مشاكل وممكن يسكوتوا عن الغلط اما الشباب مبيسكوتش ولا ده لعيب في الشباب ولا ده عيب في المسئولين ولا عيب في الزمن

اللى بتوافق بواحد عشان لمجرد انه معاه فلوس بتاخد على دماغها
وهيجى اليوم ويقولها انا اشتريتك بفلوسى

لالالالالالالالا البنات وظايفهم محدوده
فى شغلانات مينفعوش يشتغلوها

محدودة ازاي انتي لو بتيجي وبتقدمي هتشوفي ماشي في وظايف زي مانتي بتقولي للرجال فقط بس معظم او اغلبية المهن ممكن البنات تعملها والمسئولين بيفضلوا البنات عاوز حد يجاوبني لية ؟

اقولك يا سيدى
بس مش فى كله
عاوزين بنات حلوه تمشى لهم شغلهم
بس خليك فاكر مش كله بيعمل كدا

بس فى بيقول اه بنت حلوه هتخلى الزباين تيجى
ودى شغلانات بترخص من صاحبيتها

يا عم انا اقولك من الاخر علشان ترتاح البنات دايما اصحاب الاعمال التجاريه بيختاروهم علشان هما افضل من الشباب كواجهه اصحاب الاعمال بيستغلوهم فى انهم يكونوا اداه جذب للزبون يعنى الغالبيه العظمى تختار تشترى من محل فيه بنت لبقه فى التعامل مع الزبون بشوشه يفضل الشاب يرغى معاها لحد ما يلاقى نفسه مدبس فى الاخر فى 300 او 500 جنيه بعكس لو كان شاب البنات هى اللى هاتشترى منه بس مش كل حاجه طبعا فيه حاجات هاتتحرج تشتريها من شاب وهاتروح لبنت زيها علشان تساعدها فيها عرفت ليه دلوقتى التفضيل للبنات

متفق معايا يعنى فى كدا يا استاذ رضا

طيب موضوع الشغل كمدرسين مثلا او سكرتارية او محاسب في شركة تعتقد ان دي الاسباب بس مع العلم ان الولد بيتكلم احسن من مية بنت

وحلو كلامك علي فكرة يعني في مهن او وظايف بتهين وبترخص اصحابها

الحمد لله اتفقنا اخيرا فى حاجه

فعلا موضوع فى غايةالخطورة لان دلوقتى الشهادة للاسف معتش ليها قيمة واسف فى الرد بس دة اللى فعلا موجود واللى لية دهر فى مكان يجبلة وظيفة واللى غلبان وملوش حد يقعد على القهوة ومش عارفين اخر الموضوع دة اية واى مكان او محل تعدى علية تلقى كاتب مطلوبة موظفة وليس موظف ومش ذنب البنات انها تلقى شغل فى كل مكان وبسرعة
ولو فى وظائف او اهتمام بالشباب اللى طالعة حتى لو مش متعلم ومعة مثلا صنعة او معهوش حاجة المفروض يكون كل اخر او اول سنة فى العام يكون فى تقدير من الحكومة لكام شاب بدون وظائف بس طزل ما النهب والهلبشة موجودة عمرك ما هتلقى انصاف لكل الشباب او المساوة فى الوظائف وبلاش اتكلم اكتر من كدا لحسن المنتدى متراقب واحنا مش قد الـــــــــ ولا اية رئيكم اكيد فهمتو قصدى اية

حتى لو فكر انه يعمل لنفسه مشروع صغير
شوف الحومه بتعمل فيه ايه لازم يعمل تراخيص ويلف هنا وهناك وموظفين الحكومه يقلوله فوت علينا بكره لحد ميزهق

فعلا ويوم الحكومة مش بسنة بقا بعمر الشاب كلة لحد ما يزهق ويكبر دماغة

طيب يا جماعة تفتكروا حل المشكلة دي ازاي يا ريت اللي يقول يقول كلامة في نقاط محددة

اولا اكيد هيكون زهق من البلد واللى فيها

يسيب البلد ويدور على اى عقد شغل بره بس ميسافرش يقول لسه دور على شغل لان لو لسه هيدور يدور فى بلده احسن بدل المرمطه

بس المشكله فى سفر بره ان اللى بيسافر يقولك هسافر سنتين تلاته وارجع يروح مبيرجعش خالص

بس الغربه وحشه اووووى

فعلا الغربة وحشة جدا مفيش حل اسهل قصدي يعني شغل في البلد يعني الاقي تقدير من البلد اللي انا اتعلمت فيها

لو عاوز احل اسهل
يبقى لازم يكون عندك وسطه

ياجماعة مافى فائدة وهل لو فى فائدة كان الواحد سافر المدة اللى الواحد فيها دى كلها ولو قلنا التشكيل الحكومى دة هو السبب كان ايام عاطف عبيد نفس الحكاية واللى هيجى بعد نظيف هيكون كدا بردة والله اعلم يمكن اقوى من كدا
من سنة 82 والناس فيهم القليل جدا اللى بيلقى وظيفة بالوسطة فقط لا غير

يعني اتقفلت والحمد لله شكرا

لا مفيش حاجة ملها حل بس الحل صعب او بعيد اوى لانة مش لواحد الحل لدولة كاملة فيها كام مليون

» ارحمو الشباب
» قسم خاص بثورة الشباب
» قصيدة في مدح الشباب
» قمة الشباب يا زملكاوى
» سافر ثلاث من الشباب