بدون تجميل مواصفات اختياركم لشريكة حياتكم وبصراحة بصراحة بصراحة

هل ضروري أن يكون زوجك وسيم ؟ ولماذا؟
لا طبعا مش ضرورى طالما مقبول الشكل خلاص هاعمل ايه بوسامته انا هتجوزه هو وهتجوز وسامته طالما محترم وكويس خلاص الشكل دا ملوش قيمه

هل الحب ضروري قبل الزواج ؟ولماذا ؟
اه هو ضرورى لانه بيخلق التفاهم بين الزوجين بس الحب اللى قايم على حق مش اللى قايم على شهوه وكدا

هل تفضلي أن يكون زوجك متعلم تعليم كامل أم ناقص ؟ ولماذا؟
انا افضل انه يكون اعلى منى فى التعليم عشان انا احب ان يكون مستوى تفكيره اعلى منى

ماذا يكون رد فعلك إذا تزوج عليك زوجك ؟ ولماذا؟
هاطلب الطلاق لانى مرضاش انى حد يشاركنى فى زوجى

لان طالما مفيش عيوب يبقى ليه يتجوز عليا
في أي سن تفضلي أن تتزوجين ؟ ولماذا

في أي سن تفضل أن يكون زوجك فيه ؟و لماذا؟
اكبر منى وخلاص لانى احنا مبنقبلش لان الزوجه تكون اكبر من الزوج مع انى مفيهاش حاجه بس انى افضل انه يكون اكبر منى

هل تقبلين بالزواج من رجل كنت تقابلينه من وراء أهله و كنت تكلمينه بالهاتف؟ ولماذا؟
لو حصل يعنى يبقى انا مثلا كنت بتسلى بيه وبعد كدا متجوزوش المفروض الولاد هما اللى بيقولو انا متجوزش واحده خرجت معايا

هل ممكن أن تتزوجين من رجل ليس من بلدك؟ ولماذا؟
والله محدش عارف نصيبه فين بس انا مرضاش لان ابن بلدى اكيد اهلى عارفين اهل وعيلته كلها وعارفين طبعهم وكدا

ماذا يكون رد فعلك إذا كان زوجك شكاك جداً ؟
احاول معملش اىحاج هتثيرشكوكه واحاول اغير من طبعه وابقى قدامه كتاب مفتوح عارف عنى كل حاجه

هل توافقين الزواج التقليدي؟ ولماذا
بصراحه مش عارفه ارد ع السؤال دا
بس زمان الزواج التقليدى كان بينجح دلوقتى مش قوى

في أي سن تفضلي أن تتزوجين ؟ ولماذا
نسيت اجاوب ع السؤال دا
انا افضل اتجوز بعد ماخلص تعليمى
ممكن اتخطب بس لكن متجوزش وانا بدرس

اشكرك علي صراحتك

بس لازم الاجابة علي الاسئلة كلها هو تقبلي الزواج التقليدي ولية

الايام دى مقبلش انا متجوزش واحد غير لكا يكون ه مقتنع بيا
بمعنى ميكونش مسافر بره ويقول لاهله جوزنى وفى الاخر بعد الجواز يكتشف فيا حاجات هو ميعرفهاش
فينتهى بطبلاق

يعني انتي شايفة ان لسة في حب بينتهي بجواز متهيالي دا واحد في المية

ولية في وجهة نظرك معظم الحب مش بينتهي بجواز بصراحة

لافى فى حب بينتهى بجواز بس لما يكون حب حقيقى
قايم على احترام بين الشخصيين وكمان فى اطار العادات والتقاليد بمعنى انه اى اتنين بيحبوا بعض ميدوش لنفسهم مطلق الحريه فى كل حاجه
يعنى مش يقعد يسبلها ويمسك ايدها وهى تبقى فرحان على كدا
ويكون مراعيين ربنا فى تصرفاتهم كدا الحب ان شاء الله ينتهى بالجواز


اما بقى اللى بيحبوا بعض على اساس شهوه واغضبوا ربنا وتمادوا اووووووووى فى الغلط
حتى لو انتهى بجواز ممكن يفشل لان العلاقه مش مبنيه على حق

انا معاكي في رايك بس لية الولد مش بيدي الامان لبنت حتي لو كانت مكلمتش غيرة ولية بجد البنات بقوا بالفظاعة دي في تعاملاتهم لدرجة انهم ممكن يكلموا اكتر من واحد وتيجي تتكلمي يقنعوكي بكل الطرق بجد البنات بقيت حاجة رهيبة ولا اية رايك

لان احنا فى مجتمع ذكورى
الولد من حقه يعمل اللى هو عاوزه حب مليون مره ومشى مع بنات مصر كلها ولا كانه عمل حاجه ام البنت لو حبت واحد
يتقال عليها مش محترمه ملهاش حق تحب لا بتتعامل على انها ملهاش احساس مش من حقها تختار

انا معاك انى فى بنات بتكلم اكتر من واحد
دى بقى بيبقى عندها نقص وعاوزه تكمله
بس مش كل البنات كدا

عارف والله وعارف ان في بنات كويسة جدا وحترمة ولما هتخلص هتخلص بجد بس انتي مش ملاحظة ان نسبة البنات اللي بيتكلموا مع اكتر من واحد زادة او عن الاول يمكن ده لتغير المجتمع بالكامل

حتى لو نسبتهم قليله
مفتكرش انها هتبقى محترمه نفسها
المفروض تخلص لشخص واحد بس

لو كلمت اكتر من واحد هتوزع مشاعرها عليهم
يبقى بتخدعهم كلهم
المفروض مشاعرها تروح لواحد بس عشان تحس بطعم الحب

يعني اية توزع مشاعرها تتوزع علي اكتر من واحد انا اول مرة اسمع عن كده بس بجد كلمة جامده بس عاوزة توضيح

بمعنى
انها متحبش اكتر من واحد
يعنى فى بنات بتحب اكتر من واحد
وتقول انا بحب دا عشان مثلا وسيم وتعشمه بحبها له
وتحب واحد تانى عشان فلوس مثلا
وتعشمه بحبه برده
وهكذا
لكن فى الحقيقه اللى بتحب واحد بتبقى شليفاه كامل ومبتبصش لغيره ولا بتفكر تكلم غيره

طيب انتي مع الحب الصامت يعني لو حبيتي حد توحهية بمشاعرك ولا تفضلي الحب الصامت واية مظاهر الحب يعني اعرف ازاي انك بتحبي فعلا

اولا هاعرف شخصبه اللى قدامى اشوفه من اللى بيقدر الحب فعلا ولا من اللى بيتسلوا
لو لقيته من اللى بيقدروا الحب
ممكن اعمل حاجه توضحله انا بحبه
لكن صعب انى اقولهاله فى وشه انى بحبه

مظاهر الحب
انى ابقى عاوزه اشوفه دايما بخير
افرح اول ما اشوفه
لو زعلانه واول ماشوفه افرح ولو شويه
اكون بحترمه فى غيابه يعنى مخنوش ولا اكلم غيره
اكون معاه بطبيعتى محاولش اتجمل قدامه
ومش اول مايوقع فى مشكله اسيبه

ايوة يا عم مجدي اكيد طبعا انت وكل الشباب لازم يجاوبوا بس الكلام موجه للبنات علشان حتي نعرف التفكير الاخر
وبالنسبة للحب الصامت ايوة يا مجدي في حب صامت كتير جدا ولد او بنت بيحب حد ومخبي جاة لاي ظرف المهم يشوفة قدامة كمان خايف يبعدة عنة لما يحسسة بحبة

1:هل ضروري ان تكون زوجتك جميله ؟ولماذا؟
انا بحب الجمال الهادي (يعني مش اي حد يشوفها يقول انها جميله) عشان متفتنش اي حد بسهوله يعني ان بتجوز واحده اعيش معاها مش عروسه متجلية كله يتفرج عليها
ولازم تكون جميله بحيث ان الواحد لما يكون جاي من الشغل تعبان ابص في وشها ارتاح
2:هل الحب ضروري قبل الجواز ؟ولماذا؟
الحب مش ضروري قوي قبل الجواز
لان كل الناس مقتنعه ان الجواز حسن الختام لقصة حب ع الرغم من الجواز بداية كل قصة حب
3:هل تفضل ان تكون زوجتك متعلمه تعليم كامل او ناقص ؟ ولماذا ؟
مش فارقه كتير لان الرجل هو مالك زمام الامور ومفيش مانع لو تعليمها كويس
اهم حاجه يكون دينها كويس
4:ماذا يكون رد فعلك اذا عرفت ان زوجتك تعرف رجلا غيرك؟ولماذا؟
والله لو عرفت حد غيري من هنا اقدر اعرف حاجه من الاتنين
1/اما ان العيب فيا لاني مقدرت اخليها تحبني (وفي الحاله دي هاطلقها)
2/او ان العيب عندها وبتحب الرمرمه (وفي الحاله دي هاطلقها)
5:في اي سن تفضل الزواج ؟ولماذا؟
يعني سن 25 لانه بدايه سن النضوج الفكرى عند الرجل ويكون الوالحد لسه بصحته
6:في اي سن تفضل ان تكون زوجتك فيه ؟ولماذا؟
يعني بين 18&20 لانه برضه بدايه سن النضوج الفكري عند البنت (الجماعه اللي دارسين علم نفس اكتر ناس يعرفوا المعلومات دي)
7:هل تقبل الزواج ببنت كنت تقابلها من ورا اهلها وكنت تكلمها في التلفون ؟ولماذا؟
والله دي على حسب اذا كنت بكلمها عن حب بجد مش تسليه يبقى اكيد هاتزوجها (بس عن نفسي لاني زى ما انتم عارفين مقتنع ان الحب داء يبقى مش هاقابل واحده واحده وكده) انا بعمل زى ما عادل بيقول (الحب الصامت)
8:هل ممكن ان تتزوج بنت ليست من بلدك ؟ولماذا ؟
بغض النظر عن نقطة القسمة والنصيب (لا اقبل ثم لا اقبل ثم لا اقبل) لاني اللي في بلدي انا عارفهم كويس ولو مش عارفها اللي يسأل ميتوهش
9:ماذا تفعل اذا كانت زوجتك شكاكه جدا؟
ولا اي حاجه لان دي طبيعه فيهم ومش هتلاقي واحده مش شكاكه
10:هل توافق الزواج التقليدي ؟ولماذا؟
والله الزواج التقليدي مش عيب او فيه نقص بس الافلام العربي هي اللي دخلت في دماغنا فكرة ان مينفعش اتجوز واحده معرفهاش قبل كده او مينفعش اتجوز واحد مبحبوش (دا كلام ونرجع نقول انا متجوزش واحده مشيت معاها قبل كده ) طالما ان في تناقض في الفكرة يبقى الزواج التقليدي كويس جدا

علي فكرة ردودك جامده اوي يا مجدي بجد تسلم وكنت موفق في معظم اجاباتك

هل ضروري أن يكون زوجك وسيم ؟ ولماذا؟
اكيد مش ضرورى اوى يعنى طلامه شكله مقبول يبقى ميفرقش معايا وسامته دى

هل الحب ضروري قبل الزواج ؟ولماذا ؟
الموضوع ده بيختلف من عقليه لعقليه انا انا شخصيا شايفه انه مهم وضرورى لانه فعلا بيخلق تفاهم بين الطرفين

هل تفضلي أن يكون زوجك متعلم تعليم كامل أم ناقص ؟ ولماذا؟
موضوع التعليم ده مش بيفرق كتير معايا اهم حاجه انه يكون محترم وانه يكون معاه شغل كويس يقدر انه يكفى بيته لانه هيصرف على بيته بشغله مش بشهادته
وياما ناس خدت شهادات ومعملتش بيها حاجه


ماذا يكون رد فعلك إذا تزوج عليك زوجك ؟ ولماذا؟
اكيد هرفض وهعترض على حاجه زى كده بس ده لو مثلا انا مش قدره اديله حقه اكيد مش هعترض بس بالنسبه للتفكير محبش ان حد يشاركنى فى زوجى او الشخص اللى بحبه

في أي سن تفضلي أن تتزوجين ؟ ولماذا؟
ايعنى اما اخلص تعليمى محبش انى اتجوز وانا فى التعليم

في أي سن تفضل أن يكون زوجك فيه ؟و لماذا؟
[انه ميكونش فى فرق سن كبير بينا عشان نقدر نفهم بعض يعنى مش اكتر 7 سنين


هل تقبلين بالزواج من رجل كنت تقابلينه من وراء أهله و كنت تكلمينه بالهاتف؟ ولماذا؟
اكيد مثلا لو الموضوع اتفتح واهلهموافقين عليا او اهلى موافقين عليه وانا وهو بنحب بعض اكيد هقبل
بس لو فى رفض من اى الاطراف اكيد مش هقبل حاجه زى كده

هل ممكن أن تتزوجين من رجل ليس من بلدك؟ ولماذا؟

اه اكيد دى حاجه عاديه بس اهم حاجه انه ميمنعنيش انى اشرف اهلى واروح عندهم
بس لازم يكون ليه اصول واكيد هنسال عليه وعلى اهله دى اهم حاجه


ماذا يكون رد فعلك إذا كان زوجك شكاك جداً ؟
لازم اغير من طبعه ولازم ازرع الثقه بينا لان اهم حاجه بين اى اتنين مرتبطين ان يكون فى ثقه بينهم


هل توافقين الزواج التقليدي؟ ولماذا؟
انا عن نفسى مفضلش الزواج التقليدى لان بيحصل بسببه مشاكل كتير والفردين مش بيقدرو يتفاهمو كتير مع بعض

جامد يا ليدو

هل ضروري أن تكون زوجتك وسيمة ؟ ولماذا؟

مش شرط الوسامة اللى تكون ملكة جمال بس تكون اهم شى مطيعة وبتخاف على زوجها

هل الحب ضروري قبل الزواج ؟ولماذا ؟
لالالالالالا مش ضرورى نهائى وانا من النوع اللى الحب بعد الزواج هو الحب الذى يعيش

هل تفضل أن تكون زوجتك متعلمة تعليم كامل أم ناقص ؟ ولماذا؟
عادى يعنى اى مرحلةتعليم لكى تكون سند للاولاد ان شاء الله فى متابعتهم فى الدارسة ان شاء الله

ماذا يكون رد فعلك إذا تزوج عليك زوجك ؟ ولماذا؟
اولا على هذا السؤال بالنسبة للبنات انا مش موافق ان زوجها يتزوج عليها بدون سبب وسبب يكون ملوش حل نهائى واعتقد مفيش سبب ملوش حل

في أي سن تفضل أن تتزوج ؟ ولماذا
فى اى عمر احس ان قادر على المسؤلية وتحمل اعباء الزواج

في أي سن تفضل أن يكون زوجتك فيه ؟و لماذا؟
ان تكون صغيرة عنى على الاقل بــ 4سنين

هل تقبل بالزواج من رحل كنت تقابلينه من وراء أهله و كنت تكلمينه بالهاتف؟ ولماذا؟
عموما على هذا السؤال بدون تغير فية سواء شاب او بنت انا عمرى ما اوافق ان ارتبط بواحدة تعمل شى من ورا اهلها لان لو عملت شى من ورا اهلها يبقى هتعمل من وراية مع احترامى للكل


هل ممكن أن تتزوجين من رجل ليس من بلدك؟ ولماذا؟
بالنسبة لو انا فى واحدة من برا بلدى مفيش مشكلة بس بعد السؤال عليها وعلى شرط تكون من مصر موثوق منة مية فى المية

ماذا يكون رد فعلك إذا كانت زوجتك شكاك جداً ؟
سواء الرجال او الحريم فيهم مسئلة الشك بس الشاطر اللى يتعامل مع الامور بحكمة وبطريقة ضحك ويخود الامور بعقل ويحسبها كويس


هل توافق الزواج التقليدي؟ ولماذا؟

طبعا انا مع الزواج التقليدى 100% والواحد هو اللى بيخلى بعد كدا الزواج عصرى بطرقتة الخاصة

وبشكرك على الموضوع شكر خاص