بدون تجميل مواصفات اختياركم لشريكة حياتكم وبصراحة بصراحة بصراحة

الله يخليك يا استاذ وائل انت برضة مصمصم علي الزواج التقليدي رايك وبجد يحترم وبجد نشاط تحسد علية ربنا يوفقك

ربنا يبارك فيك وموضيعك رائعة تسلم وبحس ان عندك ثقافة فى الرد والحوار تحسد علية ربنا يوفقك

رأيى انا وده رأيى لوحدى علشان محدش يزعل انا عمرى ما هتجوز أى واحده اتكلمت معاها فى حب أو كانت صديقه أو كلمتها على الميل يعنى عايزها من البيت للكليه ومن الكليه للبيت ومتعرفش تتكلم كلمتين على بعض مع اى شخص


عموما على هذا السؤال بدون تغير فية سواء شاب او بنت انا عمرى ما اوافق ان ارتبط بواحدة تعمل شى من ورا اهلها لان لو عملت شى من ورا اهلها يبقى هتعمل من وراية مع احترامى للكل

ارد عليكم
ماهى ممكن تكون البنت اللى هتجوزها كانت بتحب واحد ومرضاش يتجوزها عشان مشيت معاه
وانت اللى اتجوزتها وكانت ماشيه مع حد غيرك ومعرفتش
طب ليه طالما انت مش هتجوزها بتحبها وتكلمها مش دا حرام اللعب بالمشاعر
بس مش عاوزه حد يزعل

انا معاكى يا استاذة نانا ودة اللى انا بقول علية ان مش مقتنع بمسئلة الحب قبل الزواج يعنى محبش واحدة وتيجى الظروف سواء مدية او عاطفية او مشاكل واسيبها والعب بمشاعرها ويجى واحد بعدى يتزوجها وتكون عندها عقدة من الشباب ويبقا اللى شال الليلة زوجها بسبب حب ملوش اى داعى من الاساس فى الاول والبنت اللى تقبل على نفسها انها تحب وهى متعرفش اذا كان الشاب دة ليها ومش هيتخلى عنها مع الاحترام تبقا عبيطة اوى
وانا بردة الشاب اللى يعشم واحدة بالزواج وعلى اساس الحب ويتخلى عنها يبقا خرام علية وشاب مش كويس

وربنا يحفظنا ويجعل لنا زوجات صالحات

ماهى برده المفروض اما تيجى تختار اللى تحبه متخترش كدا سبهلهله اى حاجه يعنى المفروض تكون عارفه اخلاقه ومتقولوش غير لما تكون متاكده انه ليه
وبعد ين اللى يفترقوا عشان ظروف ماديه او عاطفيه يبقى مكانوش بيحبوا بعض بيتسلوا لانهم المفروض عارفين ظروف بعض م الاول
ولو كل شاب بطل يلعب بمشاعر البنات
والبنات بطلت تغير فيهم كانهم لبس لانى فى بنات برده بتلعب بالشباب يبقى احسن

اللى عاوزه اعرفه ليه سواء كان الولد او البنت عارف انه بيتسلى بيفضل مع حبيبه ليه ميسيبه مش يمكن يكون يحبه بجد وميستاهلش انه يلعب بيه

ومش مع انى بنت حبت واحد انها تبقى مش كويسه
البنات برده من حقها تحب وتختار زوجها

اكيد البنت ليها كل الحرية انها تختار زوجها وتحبة

بس سؤال دلوقتى لو واحدة مش بتحب وراح واحد ليها وكويس فى كل حاجة ومحترم وانتى بتقولى لازم تحبة يعنى يستنى مفيش زواج ولا ارتباط لحد ما تشوف هى هتحبة ولا لاء
وشكل ما قولتى لية لما البنت والولد عرفين ان هما مش لبعض لية مستمرين مع بعض مع ان كل واحد عارف ان هو مش للتانى ((لان دى مرحلة الكل بيجرب فيها ولكنا عرفين كدا ان الواحد او الواحدة فى مرحلة بتعدى اللى ماسك نفسة فيها ومش متسرع هو اللى بيعدى منها مرحلة حب المراهقة وكنت طرحت الموضوع دة قبل كدا
وهتلقى من النوعين شباب وبنات بيلعبو ببعض وبيضحكو على بعض ويبقا كل واحد منهم مع واحد ولما يسيبو بعض تلقى كل واحد منهم مع واحد تانى يعنى كلة لعب فى لعب وضحك وتسالى ومش مع كل الشباب ولا البنات دى فئة معينة

وامال فتره الخطوبه معموله ليه
عشان يدرسوا بعض ومش لازم تحبه حب يعنى
ع الاقل يكون فيه قبول
ماهو ممكن يكون محترم وكل حاجه بس ميكنش فيه قبول

تسلموا بجد هرد كل كل ده بكرة علشان لازم انام سلام مؤقت

اوك الخطوبة معمولة لكى يعرفوة بعضهم الاخر
بس حضرتك بتقولى انك لازم تتجوزى اللى هتحبية يعنى لو اتخطبتى مثلا مثلا ومكنش فى حب او قبول هتفصلى الخطوبة مرة والتانية والتالتة مثلا مثلا ربنا يبزقك بابن الحلال من اول مرة بس انا بقول مثلا هتفضلى كدا هتفصلى الخطوبة كل مرة

اولا وبالتريتب هرد علي حبيب الروح
معظم اجاباتك منطقية وبجد كويسة وطالعة من حد كويس
بس عاوز اتناقش معاكي في حاجتين
اولا انتي قولتي التعليم مش هتعرف معاكي ان معظم اللي بيتخرجوا من كليات بيبقوا مش قادرين يفتحوا بيت بس صدقيني هيبقي اسلوب الحوار صعب جدا بينكم وهيكون في حساسية زيادة اوي بينكم و في فرق في التعليم بينك وبينك قصدي لو انتي اعلي منة في التعليم وبعدين انتي ناسية رد فعل اهلك هيكون اية
ثانيا انتي قولتي لو اهلي رفضوا يبقي خلاص الموضوع مرفوض انا مش معاكي في كده متهيألي انك ان شاء الله لما توصلي لمرحلة الاختيار في الزواج هتكوني وصلتي لدرجة كويسة من التفكير الصحيح وساعتها هيبقي عندك القدرة اللي تحكمي بيها عن اللي هتختارية واذا كان اللي هتخترية اهلك مش موافقين علية فدورك انك تفنعيهم لان انتي اللي هتتجوزي مش هما وكمان انتي اكيد عرفة نفسك اكتير من اي حد حتي اهلك واكيد هتكوني عرفة سعادتك فين مش معني كده انك تعارضي اهلك بالعكش هما اللي بقين ليكي بس علي الاقل تبينيلة انك متمسكة بيه لاخر لحظة
ثالثا انا معاكي جدا جدا جدا فكونك مش موفقة علي الزواج التقليدي اللي هو جواز صالوانت تمام
وبجد ميرسي اوي علي كلامك

ردي ع وليد
بص ياعم وليد انت طول عمرك جامد في كلامك انتي بتقول انك مع الزواج التقليدي عارف لو قلت كده وسكت كنت والله هقول عادي وكل واحد عارف ظروفة بس انت قلت حاجة حلوة جدا وهي تجربة اتنين من صحابك طيب ياعم وليد لو الواحد هيدخل تجربة وهو بيقدر نسبة الفشل اكتر من نسبة النجاح يبقي مفيش حد هيدخل اي تجارب لا عاطفية ولاغيرة بس انا من راي لو في نسبة ولو واحد في المية لنجاح التجربة يبقي لازم اتمسك بية وبعدين متنساش ان لو محصلش نصيب يبقي الغلط عندك يا عندها يا انت متمسكتش بيها يا هي متمسكتش بيك
وشكرا يا ليدو علي الكثلام الجامد

ردي علي الاستاذ وائل
انا هنا كلامك مش هيكون كتير علشان حاجتين
اولا الاستاذ وائل من كلامة واضح انه حد متزن وهيعرف يختار شريكة حياتة صح
ثانيا من كلامة برضة عنده القدرة انة يوظف حياتك بالشكل اللي هيخلية سعيد في حياتة بعيد عن اي مشاكل ممكن يتجنبها بعقلة وبدماغة
ودي الظروف اللي كنت بكلم وليد علية واذا كان الاستاذ وائل رافض فكرة الارتباط عن حب فده راية ويحترم وزي مقولت كل واحد عارف ظروفة وعارف ممكن يهيش سعيد ازاي

رائي الشخصي في موضوع الزواج التقليدي اولا لازم نعرف معني التقليدي انا في وجهة نظري التقليدي اللي هو الاهل بختار لابنهم العروسة او كده دا اللي اعرفة عن الزواج التقليدي وده انا ممكن اكون معاه بس بنسبة 30 % بس وهيكون لجوئي لية في اضيق الحدود بس اكيد الزواج او الارتباط عن حب هيكون حاجة تانية طبيعا واذا كان معظم كلام حضرتكم ان الولد مش هيرتبط ببنت لو مشي معاها اولا مفيش حاجة اسمها مشي ممكن بس يكونوا مرتبطين او حتي لو مجرد انه بيشوفها بس لانة لو بيحبها هيحافظ علية وبعدين صدقوني اللي بيدخل تجربة حب بيبقي حاطط نسبة مش صغيرة للفشل فلازم يحافظ علي البنت اللي معاه اكتر من نفسة علشان لقدر الله لو محصلش نصيب تقدر بعدها تعيش حياتها عادي يعني انا اقصد الحب الطاهر النبيل اللي مفيش فية اي حاجة ممكن تقلل لا من الولد ولا من البنت وانا بردة بتكلم عن نفسي وكمان البنت من حقها جدا انها ترتبط بحد بتحبة او حد تكون هي عايزاة بكامل اردتها وده ابسط حقوقها كمان بردة كل واحد عارف نفسة انا مثلا لو ارتبطة ببنت مش بحبها او جواز صالونات بصراحة مش هكون متمسك بيها للدرجة الكبيرة قصدي يعني لو حصل منها حاجة كبيرة مثلا مش هقدر اسمحها وممكن ساعتها ابعها وده اللي هيفرق الزواج عن الحب عن العادي في الحب قبل ما الزوج هيفكر يزعل الزوجة هيفكر مية مرة علشان بيحبها انما لو جواز عادي مش هتفرق معاة وبرضة ده راية وانا مع نانا في كتير من كلامها

دولا بصراحه محدش يشغل باله بحب غير لما تكون ظروفه تسمح وده اللى انتوا اجمعتوا عليه

ولما الحب يضيع منك مش شرط يكون العيب فيك او فيها العيب فى الزمن اللى خلى أهل أى بنت يبعوها سلعه فى سوق للى يدفع أكتر بداعى ان الحب مابيأكلش عيش واللى معاه فلوس هيعمل وهيسوى و......................................................

وبجد اسلوب تفكير الناس اللى اختلف والزمن اللى اتغير بس صدقنى الاحبه زى ما هما متغيروش وللأسف مافيش جرأه أن بنت تقول لأهلها يا ده يابلاش بقت دلوقتى قدامك واحد جاهز رفضته ...........مستعد أراهن ان التانى هتوافق عليه غصب عنها ومش هيكون ليها رأى فيه

ويابخته ويابختها اللى ظروفهم بتسمح انهم يحبوا بعض

بس برضه مافيش أحلى من التقليدى


جاهز ........شييييييييييييييييييييييييييييييييييي________ل

الاستاذ عادل بيقول ان الزواج التقليدى ان الاهل اوك انا معاك بس انا مع الاشتاذ نانا فى نقطة ان هشوفها وهيكون فى قبول اوك مفيش خلاص يبقا كل شى نصيب وهو دة اللى انا اقصدة مش ان اقصد ان اهلى واهلها يتفقو ومشوفها ولا اكلمها غير يوم الدخلة لما ارفع عنها الطرحة مش دة قصدى يعنى لازم يكون فى قبول من الطرفين وعلى فكرة انا راجل مسافر يوم ما احب اخطب قبل اى شى لية كام سؤال للى هخطبها ومش اسئلة انها فى قسم شرطة لالالالالالالالالالا اسئلة عن قبولها ورفضها واعرف شخصيتها وطرقتها هو دة قصدة
وانا بجد بشكرك على الموضوع وعلى كلامك المميز

ياعم وليد انت عندك حق والله وان الاهل بقي ليهم تحكمات غريبة بس تفتكر واحني في القرن الواحد والعشرين لسة في بنت بتتجوز غصب عنها
متهيالي لا اوكيد لو ارتبطة بحد هيكون بارادتها حاجة غريبة جدا بجد وانا معاك فعلا اللي جاهر بيشيل
وعجبي

يعني تفتكر يا استاذ وائل لما تقعد معاها مرة او مرتين او حتي شهر هتقدر تفهم كلامها كويس وتعرف تفكرها ولا اما تكون متابعها من فترة من بعيد تقدر تحكم عليها احسن

اكيد انتا معاك حق وانا معاية حق ونانا ووليد ومجدى وكل واحد لية وجهة نظر واسلوب فى الحياة وطبعا انا مش هقول ان يوم او اتنين او شهر بس الانسان هو اللى بيقدر يغير الواقع وعمر الواقع ما بيغير الانسان بمعنى ان عيبان على الاقل خالص طريقة الكلام والتعامل فى شهر مثلا استحالة الانسان هيكون متجمل فى شهر وميظهرش منة حاجة استحااااااااااااالة

الخلاصه
الموضوع مساله نصيب
محدش عارف نصيبه فين
وربنا كاتب لكل واحد اللى هيتجوزه

ماشي نصيب بس دا موضوع نقاش ومتهيالي كل واحد يقول راية حتي لو متعصب لراية

انا مش متعصبه لراى
بس مش لاقيه حاجه ارد بيها

انا رايى انى لازم يكون قايم على حب وقبول بين الطرفين وموافقه الاهل
بس مش تقليدى بمعنى ان الزوج يقول شوفلى واحده والزوجه متعرفوش الا قبل الفرح
يعنى مش عروسه هتجوز تشوف عريسها قبل الفرح بيومين افرض اول ماشفته محصلش قبول
تفتكر العروسه هتقول لاء متقدرش
الناس هتطلع عليها انها مش كويسه
وكله يقول ياترى عريسها سيبها ليه
فهترضى بالامر والواقع وتجوزه

برافو عليكي كده تمام يعني انتي معايا في الحل الوسط يعني حب باحترام واذا ربنا قدر ومكنش فية حب يبقي لازم تاني وفترة اختبار للعريس ده
انا كده معاكي يا استاذة

ايوه طبعا فى الحل الوسط
لاهو جواز تقليدى اوى
ولا حب قايم على شهوه او بمعنى اصح خد كل اللى هو عاوزه قبل الجواز
والبنت تقدر تحافظ على نفسها كويس موتخلهوش يلمسها لو بتخاف على نفسها