لو اتفكت عقدتك واتخطبتى؟

آنستي العزيزة.. لو ربنا فك عقدتك.. واتخطبتي.. فإليكِ نصائحي

حتى تأخذي بخطيبك من مركب الخطوبة إلِّي محدش عارف هاترسى على إيه.. إلى

مثوااااه الأخير في قفص النسانيس قصدي قفص الزوجية السعيد ..

أجمل ما في الخطوبة العزومات الرومانسية.. على أحلى محلات

أكل في البلد.. واللي عمرك مانتي شايفاها بعد الجواز.. المهم

نصائحي لك عند أي عزومة مع خطيبك..

1 - الأول لازم تعرفي إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر ولا من فوق طبعًااا

2 - العيش أوعي تفضحينا وتقطعيه بسنانك.. ولا الرغيف نصين بإيدك

وكل نص لقمة وتحشري.. أوعي.. العيش بيتقطع بالسكينة في

الطبق.. وبعدين تاخدي لقمة.. لقمة .. بالعافية.. قال يعني نفسك

مسدودة.. اضغطي على أعصابك جدااا وبعدين لما تروَّحي.. إبقي

اطفحي زي ماانتِ عايزة

3 - الشوووربة.. أبوس اييييدك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي

فيها.. زي القهوجي اللي بينفخ في الحجر للزبون.. وطبعًاااااا عايزِك

تنسي تمامًا.. الطاسةاللي بتحطيها في بقك في البيت

بالمعلقة وبدون صوت.. سخنة, ولعة , برضه بدون صوت

وتسيبي تلت الطبق ع الأقل.. مش تميليه.. عشان تلهفيها لآخر نقطة

4 - الرز طبعاً .. بيتّاكل بالشوكة.. أوعي إيدك تتمد على المعلقة

وتغرفي من طبق الرز وتعبّي.. إوعي.. الرز بالشوكة.. وكإنك

بتبوسيه مش بتاكليه

5 - المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها ف بؤك من سكات.. مش

تشفطي المكرونة عود عود

6 - السمك.. مشكلة.. شوفي.. بتفصلي اللحم عن الشوك

إزاي..؟؟ تقطعي اللحم من النص.. بالطول وبعدين تفردي اللحم على

الجانبين ولما تخلصي ناحية.. متقلبيش السمكة.. بلاش فضااايح

شيلي السلسلة بالشوكة والسكينة وحطيها في جنب الطبق

وكملي أكل النص التاني.. وبدل الفيلم الهندي ده.. نصيحة

ماتكليش السمك خالص.. قولي مابحبش السمك وخلصي نفسك

7 - الجمبري.. -إذا كنتي عارفاه-.. أول ماطبق الجمبري ينزل.. بصي للجمبري

بطريقة قال يعني زهقانة من كتر أكل الجمبري واتنهّدي جامد وقولي.. برضه..؟؟؟

وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي

8 - البطاطس سواء مسلوقة أو محمرة.. أوعي تهرسيها وتدبيها على

الرز وتدّي ...لا..لآ...لآ...بالشوكة حتة حتة وإنت زي ما تكوني

هاتعيطي من كتر ما البطاطس صعبانة عليكي

9 - الفاكهة.. لو الفاكهة فيها بذر.. طلعيه من بؤك بالراحة وحطيه في

إيدك وهي مقفولة.. وبعدين في طفاية السجاير اللي ع الترابيزة

أوعي ياحبيبتي من نظام التفتفة للبذر.. إنسي

10 - ولما تخلّصي أكل تحطي إيدك على بطنك.. -اللي عصافيرها

بتصوصو من العينات اللي كلتيها-.. وتقولي له مش ممكن.. أنا

عمري ما اتفجعت كدة.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير

لزمة.. وتبوسيها.. آل يعني بتمسحي بؤّك

وبعدين تستأذني منه لإصلاح ماكياجك.. تدخلي التواليت

وتطلعي من شنطة إيديك.. لفة الفول والطعمية اللي جايباها

معاكي.. وبالهنا والشفااااااااااااا

تسلم ايدك يا نانا علي الموضع الرائع ده بجد تسلم ايدك

الله يخليك يا احمد
شكرا لمرورك

موضوع رائع جدا
تسلم إيديكى

وصفتى بدقه لوجبه تجوع
تسلم ايدك جميله

شكرا لمرورك يا استاذ ناصر

ويارب عقده البنات تتفك وتتخطب
وهما هيعملوا اكتر من كده
بس نتخطب
قولو امييييييييييييييين
هههههههههههههههههه

لو واحده هتعمل اللي قلتلها انتي غليه ده هي فين وانا اخطبعا الصبح هههههههه تمام يانانا والموضوغ في صفنا اوي

ههههههههههههههه
هنعمله بس نتخطب
خلاص انا عنست هاعمل اى حاجه عشان اتجوز ههههههههههه
هزار طبعا الكلام دا
جواز ايه بس

متحسبوش يا بنات ان الجواز راحه

موضوع رائع جدا
تسلم إيديكى

ميرسى لمرورك يا استاذ وائل

قشطات خالص
حلو اوووووووووووووى
بس اكيد احنا عارفين الحاجات ديه
بس بلاش تاكلى الا على طبيعتك
ولا ايه يا ناناااااااااااااااااااااااااا
thank you
يا قمر

هههههههههههههههه
لو كلت على طبيعتى يبقى مش هتخطب
خصوصا لو فسيخ
خلى الطبق مستور بقى
ههههههههههه

الله يكون فى عون اللى هيكون
بس المفروض تشوفى واحد فسخانى علشان يكون معاكى على الخط

ههههههههههههههههههههههه
لو مش فسخانى اخليه يفتح مطعم فسيخ
او يجبلى كل اسبوع
مره فسيخ ومره رنجه ومره سردين
كل اسبوع من دا

تعرفى لو لقدر الله ربنا كرمنى بواحدة 6تموت فى الفسيخ والكلام ددى هولع فيها
هههههههههههههههههههه

يعنى ممكن لو شمت ريحة فسيخ فى الشارع تقوم وتسبنى هههههههههههههههههه

ههههههههههههههههههه
لا دنا مدمنه فسيخ
وشرط جوزى يجبهولى

شكلك يانانا مش هتتجوزى
هههههههههههههههههههههههه

ههههههههههههههههههه
ماهو يمكن يكون مدمن فسيخ زى
لو مش مدمن وانا بحبه
هاضحى بقى
واروح اتعرزم عند ابويا كل فتره على فسيخ

هههههههههههههههههههه
كده فيه أمل ضعيف تتجوزى
وربنا يتولاكى بقى
ههههههههههههههههه

ايه دا بقى
يعنى مش هتجوز لو اتفكت عقدتك واتخطبتى؟ 313731

لا بلاها اكل فسيخ
الجواز احلى

أيوه كده

فرصك وصلت 98 % الحمد لله تلحقى طب مستريح

بس نصيحه بلاش الجواز أحلى

ههههههههههههههههههههههههههه

ههههههههههههههههههه
ليه بس
دنا عاوزه اتجوز عشان انكد على زوجى
واغير عليه

يعنى نطلع من الفسيخ تتدخلى فى النكد شكلك فعلا مش هتتجوزى

مش هتجوز
لاااااااااا
شوفلى عريس بسرعه ههههههههههه