لو اتفكت عقدتك واتخطبتى؟

تذكير بمساهمة فاتح الموضوع :

آنستي العزيزة.. لو ربنا فك عقدتك.. واتخطبتي.. فإليكِ نصائحي

حتى تأخذي بخطيبك من مركب الخطوبة إلِّي محدش عارف هاترسى على إيه.. إلى

مثوااااه الأخير في قفص النسانيس قصدي قفص الزوجية السعيد ..

أجمل ما في الخطوبة العزومات الرومانسية.. على أحلى محلات

أكل في البلد.. واللي عمرك مانتي شايفاها بعد الجواز.. المهم

نصائحي لك عند أي عزومة مع خطيبك..

1 - الأول لازم تعرفي إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر ولا من فوق طبعًااا

2 - العيش أوعي تفضحينا وتقطعيه بسنانك.. ولا الرغيف نصين بإيدك

وكل نص لقمة وتحشري.. أوعي.. العيش بيتقطع بالسكينة في

الطبق.. وبعدين تاخدي لقمة.. لقمة .. بالعافية.. قال يعني نفسك

مسدودة.. اضغطي على أعصابك جدااا وبعدين لما تروَّحي.. إبقي

اطفحي زي ماانتِ عايزة

3 - الشوووربة.. أبوس اييييدك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي

فيها.. زي القهوجي اللي بينفخ في الحجر للزبون.. وطبعًاااااا عايزِك

تنسي تمامًا.. الطاسةاللي بتحطيها في بقك في البيت

بالمعلقة وبدون صوت.. سخنة, ولعة , برضه بدون صوت

وتسيبي تلت الطبق ع الأقل.. مش تميليه.. عشان تلهفيها لآخر نقطة

4 - الرز طبعاً .. بيتّاكل بالشوكة.. أوعي إيدك تتمد على المعلقة

وتغرفي من طبق الرز وتعبّي.. إوعي.. الرز بالشوكة.. وكإنك

بتبوسيه مش بتاكليه

5 - المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها ف بؤك من سكات.. مش

تشفطي المكرونة عود عود

6 - السمك.. مشكلة.. شوفي.. بتفصلي اللحم عن الشوك

إزاي..؟؟ تقطعي اللحم من النص.. بالطول وبعدين تفردي اللحم على

الجانبين ولما تخلصي ناحية.. متقلبيش السمكة.. بلاش فضااايح

شيلي السلسلة بالشوكة والسكينة وحطيها في جنب الطبق

وكملي أكل النص التاني.. وبدل الفيلم الهندي ده.. نصيحة

ماتكليش السمك خالص.. قولي مابحبش السمك وخلصي نفسك

7 - الجمبري.. -إذا كنتي عارفاه-.. أول ماطبق الجمبري ينزل.. بصي للجمبري

بطريقة قال يعني زهقانة من كتر أكل الجمبري واتنهّدي جامد وقولي.. برضه..؟؟؟

وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي

8 - البطاطس سواء مسلوقة أو محمرة.. أوعي تهرسيها وتدبيها على

الرز وتدّي ...لا..لآ...لآ...بالشوكة حتة حتة وإنت زي ما تكوني

هاتعيطي من كتر ما البطاطس صعبانة عليكي

9 - الفاكهة.. لو الفاكهة فيها بذر.. طلعيه من بؤك بالراحة وحطيه في

إيدك وهي مقفولة.. وبعدين في طفاية السجاير اللي ع الترابيزة

أوعي ياحبيبتي من نظام التفتفة للبذر.. إنسي

10 - ولما تخلّصي أكل تحطي إيدك على بطنك.. -اللي عصافيرها

بتصوصو من العينات اللي كلتيها-.. وتقولي له مش ممكن.. أنا

عمري ما اتفجعت كدة.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير

لزمة.. وتبوسيها.. آل يعني بتمسحي بؤّك

وبعدين تستأذني منه لإصلاح ماكياجك.. تدخلي التواليت

وتطلعي من شنطة إيديك.. لفة الفول والطعمية اللي جايباها

معاكي.. وبالهنا والشفااااااااااااا

تدفعى كام لو لقيت المبلغ يستاهل العريس موجود ههههههههههههههههههه

ميرسى لمرورك mon _amie3

هو انا اللى هدفع هو اللى هيد فع دمه قلبه كمان
مش بالساهل كدا ههههههههه

كمان يعنى هو يجوزك ويدفع اية الاحتكار دة

وامال هيتجوزنى ببلاش كدا
يعنى ابويا يصرف عليا وو يخدنى
مش اقل من خمسه جنيه غير كدا مش هتجوز ههههههههههههه
وكيلو فسيخ كمان ومن نبروه او نزيه

لا حول ولا قوة الا بالله
شكلك مش ناويه على جواز
بلاش سيرة الفسيخ يانانا
لو عايزه تتجوزى
ههههههههههه

يعنى يا اما اسيب الفسيخ يا اما متجوزش
لا انا عاوزه اتجوز هههههههههههههه

بس مفيش مانع اكله كل اسبوع حتى بلاش كل يوم

لالالالالالالالالالالالالالالالالالالالالالالالا
مافيش فسيخ فيه جواز
فيه فسيخ مافيش جواز
هههههههههههههههههههه

يا بنتى هو الفسيخ لازم منى خلاااااص اتجوزى فسيخ وخلاص
تعرفى ترمى الفسيخ دة وتفكرى فى العريس وخلاص

بلاها الفسيخ
اتجوز احسن
هههههههههههههه
وافضل انكد على جوزى لحد مايجبيلى فسيخ
او حتى يسبنى اروح عند ابويا اكله

هههههههههههههههههه
تخيلى لو مراتى كدا لقدر الله لقدر الله انا فعلا هقولها روحى عندى ابوكى هنا فسيخ بس خليكى قاعدة عندة علطول
واقولها علية الطلبات بالتلاتة لو شميت رحتة عند الجيران انتى حرة
هههههههههههه
هولع فيكى هههههههههههههههههههه

ههههههههههههههه
وهى مالها ومال الجيران
بتكره للدرجه دى

مش كرة انا بحب اكلة بس مش طول الوقت شكل ما تقولى مرة تفريح مش اكتر انا كنت كل يوم احد يوم السوق اخلى امى تجيب لية ومعروفة يوم الاحد تلقى البلد زفرة ههههههههههههه من الريحة

بس شكلك كدا لا بجد حرام على الراجل اللى هيتجوزك

هههههههههههه
وراثه فى العيله عندنا
بس انا اللى زايده شويه
انا بكله من هنا واتعب من هنا
من كتر الاملاح

هو فعلا بيعمل املاح كتير يعنى ممكن وانتى بتعملى اكل وتجهزية بدل ما تحطى ملح كفاية تلمسى بصباعك فى الاكل بس هيكون المح زيادة كمان ههههههههههههههههههههه
حولى تحففى شوية لان كتير الحاجة سواء حلوة او وحشة مضرة بالصحة ولو شافك دكتور لقدر الله هيجرى من الريحة
ههههههههههههههههههه

ههههههههههههه
ليه كدا بس
منا هاكل لبان قبل ماروح

والله حتى لو نزلتى فى برفان او ريحة
استحالة

خلاص مش هاروح فى يومها
هروح بعدها بيوم

خلاص مش مشكلة
بعدها بيوم ممكن يكون فى امل

كويس كدا
اكل براحتى بقى

هههههههههههههههههههههه
انتى مش هتكستى غير لما تحسى ان الفسيخ هيبقا مشكلة فى حياتك

هههههههههههههههههههههه
انتى مش هتكستى غير لما تحسى ان الفسيخ هيبقا مشكلة فى حياتك

ههههههههههههههههه
انت عارف الحب
وانا بحب الفسيخ هههههههههههههه

حب اية فسيخ !!!!!!!!!!!!!!!!!!!!!!!
ههههههههههههههه
طيب حبى حاجة تنفعك مش تضرك وتعمل ليكى مشكلة

هى كانت لسه معملتش
ماهى عملتلى املاح وخلاص
خلاص هاكل رنجه وملوحه بلاش فسيخ

تصدقى فرحت لما هتغيرى
اقولى اية اشد فى شعرى منك
[ندعوك للتسجيل في المنتدى أو التعريف بنفسك لمعاينة هذه الصورة]