عاوزين كلنا نكون ايد واحده ونقول كلنا بصوت عااالي ....

1.انا مش هدفع رشاوي واكراميات تاني في المرور والمصالح الحكومية.
2.مش هرمي زبالتي في الشارع.
3.مش هعاكس بنات ولا حتى هغلس عليهم.
4.أبلغ جهاز حماية المستهلك لما ألاقي حد بيبيع بالغالي.
5.مش هبقى سلبي وأقول لأي حد بيعمل غلط في وشه انه غلط.
6.هقدم بلاغ ضد اي تعديات لرجال الشرطة حتى ولو كان ظابط سابق عربية وماشي عكسي.
7.هفتخر ببلدي ادام الاجانب مش هستعر منها وهقول انها احسن بلد.
8.هتطوع اني اساعد الناس اللي محتاجه لمساعده.
9.هعامل الناس باحترام وهقدر ظروفهم ومعاناتهم.
10.مش هيبقى في حد احسن من حد وهنعامل بعض بالتساوي الغني زي الفقير.
11.هعرف حقوقي وواجباتي القانونية في مصر عشان محدش يعتدي على حقي او اعتدي على حق حد.
12.هقوم اصلي ومش هنسى ربنا لاني لازم اديله حقه عليه.

ثورة 25 يناير مش فرصة عظيمة للتغيير السياسي في مصروبس وانما فرصة عشان كل واحد يثبت لنفسه ولغيره انه وطني بجد ومصري على حق. (مصر فوق الجميع)

انا باضم صوتى لصوتك يا بشمهندس
فعلا لازم نبقى ايجابين اكثر
احنا مش اقل من الشهداء اللى سقطوا من اجلنا

اى فساد موجود لازم نتصدى له
والايام اثبتت ان الحق صوته قوى
مهما على صوت الظلم

ياريت كلنا نبدا صفحة جديدة وشكرا على اهتمامك

تمام يا بشمهندسين يا عسليين يا حلويين وانا منضم معاكم فى هذا الكلام

عندك حق يابشمهندس وأنا بضم صوتى لصوتك

تم حذف بقيه الرد لغلطه فى الاعضاء

لؤلؤة الكلمات

طبعا انا معاك فى كل اللى قولتله يا باشمهندس
وكل واحد يبدا بنفسه
ويشجع غيره على انه يعمل كدا
وان شاء الله هنكون احسن ناس

بس فيه مشكله يا جماعه
ازاى الشعب فجاه كده من شعب مش محافظ
الى شعب متمسك بالقيم الحقيقيه للمجتمع السليم

لازم نبدا من دلوقتى
مش كل حاجه نرميها على الحكومه
لازم نفوق بقى

والله يا بشمهندس انا نفسى الناس تعمل كده

مش هنلاقى حد بيخاف من حد والاحترام من الكبير للصغير ومن الصغير للكبير

هنلاقى كل حاجه بقت للاحسن ونتقدم بقى شويه

وفعلا زى مابتقول ثورة 25مش بس لتغير السياسه ولكن لتغير النفوس لدى الشباب

ويقولو للعالم كله انهم افضل من شباب فى العالم وانهم هم الذين سيبنون وطنهم بجهدهم وعرقهم

ويقولو للعالم كله انهم مش بيحبو الفساد ولا الفوضى انما نحن شعب متقدم ومحترم

نريد ان نرتقى بوطننا الى اعظم الاوطان

بنحبك يا مصر واروحنا ودمنا فداكى يا اغلى الاوطان

انا معاك يا بشمهندس

ونفسي والله كلنا نعمل كده

بس المشكله في شعب لازم حد يبدا قبله علي شان يقلده

حتا في الثورة احنا انتظرنا لحد اما تونس مشت الرئيس بتعها

امنا عاملين زيها والحمد لله مصر اصبحت بتقول رايها

بكل صراحه والعالم كله الان بيعملها الف حساب

انا بشكرك يا بشمهندس على الموضوع الاكثر من رائع
بل على موضوع لابد من اى مصر يعمل بيها واكتر كمان ويقول لالا للفساد
بجميع اشكالة وانواعة
ولا للحقد لان سبب اكتر المشاكل تلقى ناس عندها غل من ناس تعمل مشكلة علشان تبوظها وللاسف بيكون فيها ناس كتير
وياريت بيتجى على واحد بس لالا بالعكس على ناس كتير اوى

يارب يطهر القلوب علشان الناس تطهر البلد من كل شى غلط

متشكر جدا على ردودكو الايجابية وياريت منبصش لورا وخلينا نبدا من دلوقتي صفحة جديدة

على النعمه انت راجل عسل
سير على بركة الله
انت اللى تنفع تبقى مدير للمنتدى
حتى وجهه وليك استايل محترم
الله معك

متشكر جدا على ثقتك فيه

والله عنده حق
انا عايز أحمد رزيق يكون مدير المنتدى
ارحل ياكسبر

فعلا ده شخصيه جامده ويستحق يكون مدير

يا جماعه متشكر جدا بس مش اوي كده

بجد موضوع رائع يابشمهندس
وفعلا القيم دى كلها كانت مفتقده
وان شاء الله هترجع تانى

وانا موافق انك تكون المدير
لانك زى ما الاعضاء الكرام قالو انك وجهه جميله للمنتدى

انا مش موافق انك تكون المدير
الا اذا كان عند حضرتك افكار جديده
هتقدر تفيد بيها المنتدى
انما غير ذلك عفواااااااااااااا

طبعا لازما نكون ايد واحده
وعلشان احنا ايد واحده
وكلنا نكون فى مصلحة المنتدى
انا بطالب بتغير المدير العام ونائبه
وتعين من احق بها واجدر

انت فعلا وجهه جميله للمنتدى
واحنا معاك يا هندسه
بس لازما تمدنا بافكار كى نتطور اكثر

انا معاكم فى تنفيذ هذه الاقتراحات
بس قريتنا محتاجه جهد كبير
محتاجه ننزل الشارع ونتكلم
لان فيه ناس كتيره لاتعى هذا الكلام
صفحات الانترنت لاتكفى

موضوع رائع يامديرنا الجديد
ان شاء الله تنجح فى الانتخابات

ان شاء الله ينجح يابو ريا
وزى ما قال شاعرنا العظيم محمد هنيدى
ايد لوحدها متصقفش
طير بجناح مكسور ميطرش
جمد قلبك قول متخافش
تقدر على العالم بما فيه


ارحل يالا ارحل ياكسبر
عايزين أحمد رزيق