عاوزين كلنا نكون ايد واحده ونقول كلنا بصوت عااالي ....

تذكير بمساهمة فاتح الموضوع :

1.انا مش هدفع رشاوي واكراميات تاني في المرور والمصالح الحكومية.
2.مش هرمي زبالتي في الشارع.
3.مش هعاكس بنات ولا حتى هغلس عليهم.
4.أبلغ جهاز حماية المستهلك لما ألاقي حد بيبيع بالغالي.
5.مش هبقى سلبي وأقول لأي حد بيعمل غلط في وشه انه غلط.
6.هقدم بلاغ ضد اي تعديات لرجال الشرطة حتى ولو كان ظابط سابق عربية وماشي عكسي.
7.هفتخر ببلدي ادام الاجانب مش هستعر منها وهقول انها احسن بلد.
8.هتطوع اني اساعد الناس اللي محتاجه لمساعده.
9.هعامل الناس باحترام وهقدر ظروفهم ومعاناتهم.
10.مش هيبقى في حد احسن من حد وهنعامل بعض بالتساوي الغني زي الفقير.
11.هعرف حقوقي وواجباتي القانونية في مصر عشان محدش يعتدي على حقي او اعتدي على حق حد.
12.هقوم اصلي ومش هنسى ربنا لاني لازم اديله حقه عليه.

ثورة 25 يناير مش فرصة عظيمة للتغيير السياسي في مصروبس وانما فرصة عشان كل واحد يثبت لنفسه ولغيره انه وطني بجد ومصري على حق. (مصر فوق الجميع)

يا جماعه انا متشكر على زوقكو ده بس انا مش هدفي الترشيح ويا جماعه عشان خاطري المهندس محمد كسبر ده هو صاحب الانجاز الاكبر حتى لو في بعض العيوب بس لازم ندي الحقوق لاصحابها وان شاء الله هتشوفو التطور الكبير جدا الفترة اللي الجاية وهتشوفو الافكار اللي انتو عاوزينها

اكيد كلامك صح
ودا فعلا اللى بيتم حاليا فى بلدنا
الواحد عمره ما كان يتخيل ان دا ممكن يحصل فى مصر

الحمد لله وتحيا مصر

كلنا هانبقى ايد واحده مع بعض

ان شاء الله كلنا ايد واحده ودايما مع بعض

موضوع اكثر من رائع
ولازم نكون يد واحده فعلآ
وياريت كل واحد يبداء بنفسه ويكون وجهه مشرفه علشان الكل يعمل زيه
وياريت نبداء ونوعى الناس ونتكلم معاهم ونفهمهم لان فى ناس وعيه وناس مش عارفه
وبالله التوفيق وبالنجاح لكم فى كل مجالات الحياه
وهيا بنا الى مستقبل افضل واجمل
وهيا بنا نطور بلدنا بانفسنا من جديد

ممكن أعرف حضرتك عملت ايه علشان نبقى ايد واحده

شكل للبيع كتب:

ممكن أعرف حضرتك عملت ايه علشان نبقى ايد واحده

حضرتك لما يكون ليك اسم واضح ((على اساس اني اعرف الشخصية اللي ادامي دي مين وبيتكلم على اساس ايه وايه فكره مش متخفي في اسم غريب ميدلش الا على ضعف شخصية وهروب من مواجهة الواقع الى عمل اسم تتخفى وراه عشان تتكلم من غير محد يرد عليك وتهرب من المسؤلية والمواجهه)) ولما تعرفني بنفسك وبشخصيتك الحقيقية وتقولي الاول انت عملت ايه وايه انجازاتك وايه افكارك اللي انت قدمتها لمجتمعك واللي انت بتفكر فيه ونفسك تعمله انا ساعتها ممكن ارد عليك واقلك انا عملت ايه بس يا ريت تجيب كشكول وعلبة حبر عشان يكفي انك تكتب

منهدس / احمد رزيق
كم انا معجب بردك القوى الذى ان دل يدل على شخص
محترم و شخص ابن ناس فعلا تعلم تماما كيف ترد على الناس
خالينا فى موضوعنا
موضوع رائع جدا و حتى يكون ذلك على ارض الواقع لابد من
بدء التغير و التطهير من انفسنا اى ابدء بالبيت ثم الشارع ثم
ابدء بنفسك فى العمل و لا تدع الشيطان يقول لك انا مالى
و الله هتلاقى الدنيا بقت حلوه و الحياه نورت

حسين السيد كتب:

منهدس / احمد رزيق
كم انا معجب بردك القوى الذى ان دل يدل على شخص
محترم و شخص ابن ناس فعلا تعلم تماما كيف ترد على الناس
خالينا فى موضوعنا
موضوع رائع جدا و حتى يكون ذلك على ارض الواقع لابد من
بدء التغير و التطهير من انفسنا اى ابدء بالبيت ثم الشارع ثم
ابدء بنفسك فى العمل و لا تدع الشيطان يقول لك انا مالى
و الله هتلاقى الدنيا بقت حلوه و الحياه نورت

اولا اشكرك على زوقك
ثانيا الحمد لله قوة الرد تاتي من قوة الايمان بما افعل وبما افكر انا فعل وان شاء الله سوف افعل ما اريد ان افعل بمساعدة كل من يريد ان يفعل