حملة نظافه غير عاديه ( عمل جماعى عظيم )

قام اليوم 4 مارس مجموعه من شباب الهياتم بشن حملة نظافه على بعض الاماكن والتى من المعروف عنها أنها مستودع للقمامه والقاذورات وبدأ الشباب بالوحده المحليه ومنطقة الحجنايه وسيدى عبد الكريم والجمعيه الزراعيه والسوق القديم وشارع البحر ومقابر القريه
وظهر فى هذا اليوم بعض التعاون بين الشباب وبين الاهالى وبين الشباب وبعضهم
وعلى الجميع أن يعلم أن ليس هناك أحدا يمول هذا العمل أو يقوده
فليس لأى جماعه أو حزب دخل بما قمنا به وانما هو عمل شباب يحب قريته ويريد تطويرها

وسنوافيكم بالتفاصيل والصور والفيديوهات فى القريب العاجل

ملحوظه / الى كل أعضاء منتدى الهياتم اليوم الرجاء توعية أهليكم بالمحافظه على
نظافة القريه واخبارهم بمعنى نظافة السلوك

[ندعوك للتسجيل في المنتدى أو التعريف بنفسك لمعاينة هذه الصورة]

تسلموا ياكل شباب القريه على كل الاعمال الجميله دى وربنا يوفقكم الى الانجازات الجميله
حتى نصعد بالقريه الى أعلى قمم المجد
وياريت كل أهل القريه تحافظ على الشغل والانجازات الجديده دى
ويارب نشوف البلد من أجمل البلاد
ربنا يحميكم وربنا يوفقكم الى ما فيه الخير والتوفيق والنجاح

بجد ياوليد كان منظر جميل اووووووى
فعلا شباب بلدنا اثبتوا انهم شباب واعى بجد
وكمان النظافه كانت بضمير
وحتى الاطفال كمان كانوا مشاركين فيها
ربنا يكرم شباب بلدنا
اللى بجد كانوا قد كلمتهم
ونظفوها
بس اللى يزعل ياوليد
انا شوفت واحده بعد م الناس نظفت
راحت ترمى زباله فى البحر
حتى معملتش حساب للشباب اللى تعبوا فى النظافه
فعلا الناس مش هتبطل ترمى فى البحر غير لما حد يتعمله محضر ويتغرم
عشان الناس تتعظ

ربنا يهدى اهل القريه
ويكون الموضوع ده بمثابة توعيه وفهم ليهم
بمحافظتهم على بلدهم وحتجميلها
وجعلها بلد جميله عريقه
والى التقدم اكثر واكثر باذن الله

بلد مافيهاش رجاله
وشباب سلبى الى ابعد الحدود
هل من المعقل ان يكون بلد بها 35 الف مواطن
ولا يخرج منها سوى 35 مواطن فقط
حاجه تكسف من بلد فقدت الايجابيه
وتستمتع بالسلبيه

كان يوم جميل اوي ونفسي اليوم ده يتكرر تاني

واحسن حاجه حصلت انهارده اني شوفت الاطفال ربنا يبارك

فيهم بنات وولاد كانو شغلين زي الشباب الكبير

انظر الى الجانب المشرق ياهندس
مش وقت احباط
يكفى اننا علمنا الاطفال معنى كلمة النظافه وروح المشاركه
اهه ....عمل لوجه الله وخلاص
أما الشباب اللى لم يشارك وأنا أعرفه وقد يكون له احترام فى الاوساط الشبابيه
سيتم ذكر أسمائهم جميعا
حتى يعرفهم الجميع على حقيقتهم
وليعلم الجميع من المخلص ومن السلبى ومن المنافق
هدانا الله أجمعين لصالح الاعمال

[ندعوك للتسجيل في المنتدى أو التعريف بنفسك لمعاينة هذه الصورة]

طيب ياخويا

بارك الله فيكم
ان شاء الله تكرروها تانى واللى مشتركش المره دى يشترك المره الجايه
وياريت يا محمد يكون فى هدوء فى الكلام شويه لان مينفعش نتكلم بالطريقه دى

الله ينور يا رجاله ياريت يا هندسه توافينا بالصور بسرعه مشتائين نشوف البلد بعد الحمله

انشاء الله تم تحميل بعض الصور ووضعها في المنتدي وفي انتظار الفيديوهات الخاصه وانشاء الله هتكون موجوده في اقرب وقت ممكن

Eng/M.Kosber كتب:: طيب ياخويا

ياجماعه أحب أوضح محمد بيرد الرد ده ليه علشان محدش يفهم غلط
محمد بيرد كده لأنى كنت عايز أروح ومش عاجبنى حاجات كتير من اللى بتحصل
وهو اللى كان بيقولى كل مره نكمل طبعا لأنه طول عمره حماسى
رغم انه كل الحاجات اللى ماكنتش عجبانى ماكنتش عجباه ومع ذلك
باصراره كملنا أنا وهو لأخر اليوم

ملحوظه/ أنا لا أحب دور البطوله أو دور العاقل
وأنا حبيت أوضح حتى لا يتسرب لأى أحد ان أنا بوشين
أنا رغم فرحى بهذا اليوم
فأنا كنت معترض تماما على أغلب أحداثه

وياريت ياجماعه نهدى اللعب وبلاش ردود مستفذه
وربنا يهدينا أجمعين

يا جماعه
احنا قدمنا خدمه للبلد مش لنفسينا فقط
ولا نبغى منها سوى ابتغاء مرضات الله
وما دام ارضينا انفسنا يبقى جزائنا عند الله
ولا ننتظر اى جزاء او عفو او كلمة شكر من اى انسان اخر

للاسف ياوليد انا مكانش قصدى على الرد اللى انت اقتبسته
انا قصدى على الرد ده

بلد مافيهاش رجاله
وشباب سلبى الى ابعد الحدود
هل من المعقل ان يكون بلد بها 35 الف مواطن
ولا يخرج منها سوى 35 مواطن فقط
حاجه تكسف من بلد فقدت الايجابيه
وتستمتع بالسلبيه

وكمان مش قصدى انى اغلط فى حد
انا كل قصدى ان محمد يتكلم بهدوء شويه عشان محدش يدخل ويعلق تعليق ملهوش لازمه على رده وتحصل مشكله

عموما انا بعتذر لو كنت انت فهمت قصدى غلط

يا حبيب الروح انا نفسى الرجاله الوطنيه المتحمسه تيجى تكلمنى
وانا هاعرف ارد عليهم
لان باستثناء 35 فرد فقط من الهياتم
اقدر اقول لكل واحد غير دول
انتم مقصرين وانتم خذلتونا
كنا محتاجنكم معانا
وانت قلتم احنا معاكم
وللاسف الموضوع يرسى على 10 شباب و25 طفل

مش برده ليا حق ازعل
والناس اللى كانت عاوزه المنتدى جاد وهادف
هما فين مشفنهمش يعنى
ولا هما كانوا داخلين يدمروا المنتدى وخلاص

خلاص ياجماعه حصل خير
ونركز فى اللى جاى
ونرمى خلف ظهرنا كل شئ يعطل
وعلى فكره محمد ممكن يقولكم كام مره أنا حاولت أروح لعدم
اقتناعى بالموضوع وأحداثه وتطوراته
ولكن الحمد لله الواحد بيختار صديق تمام
هو وخالد الحقيقه خلونى كملت اليوم وقدمنا حاجه لبلدنا بغض النظر عن السلبيات

وأنا عايز أقدم شكر خاص جدا لكل أطفال قرية الهياتم بجد
لو الموضوع ده اتكرر هنلاقى مجموعه كبيره من الاطفال
موجوده وهتنجحه ولكن للأسف سيسرق مجهودهم فى الأخر
وهى دى نقطة الخلاف

على العموم الحمد لله على كل شئ
[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيكم جميعا
وياريت دايما مصر قويه بشبابها
وياريت كل الشباب يشارك
أرجوكم مصر محتاجه لنا كلنا

[color=red]بارك الله فيكم جميعا وبارك فى اطفال الفرية اللى هما مستقبلها
r=green]واهم حاجة ان حصل شغل فى البلد والحمد لله ان فى شى ايجابى تم عملة فى البلد
واحدة واحدة ان شاء الله هيحصل حاجات كتير مع التشجيع ان شاء الله هيحصل حاجات كتير
بارك الله فيكم جميعا

بسم الله الرحمن الرحيم
محمد كسبر ارجوا منك الهدوء جدا فى تصريحاتك
قد يكون هناك تقصير فى حملة الدعاية التى قمتم بها
من اجل هذا اليوم قد يكون هناك قصور فى عدم التنسيق
بينكم و بين المسؤلين فى القرية
لذلك نرجوا التماس العذر لا اخيك المسلم و العمل العام
لابد و ان يكون فيه صبر على الناس شويه
طيب يا محمد اين الاخوان المسلمين بينكم و انا شوفت كل
النتم جلستم معهم اخوان مسلمون بدء من محمد الماوى
و الاخوة ائمة المساجد فى البلد اين هم من موضوع النظافه

دعاية ايه يا استاذ حسين احنا عملنا اكتر من اعلان وعرفنا الناس انه هيكون فيه اجتماع يوم الاربعاء للاتفاق على الامور التى سوف يتم فعلها يوم الجمعه ونبهنا فى الميكروفونات والمساجد
لكن للاسف اذن من طين واخرى من عجين
ولا حول ولا قوة الا بالله
لكن احنا قمنا بعمل ارضينا به انفسنا وارضينا به الله عز وجل
ومش منتظرين جزاء من احد غير الله عز وجل
لكن ما كنا ننتظره هو التحرك من الشباب اكثر من ذلك بكثير لكن يقول الله عز وجل
كم من فئة قليله غلبت فئه كثيره باذن الله
وقدرنا بحمد الله وفضله نقوم بما كان سيقوم به اهل البلد باكملها والحمد لله

ليس هناك اى مشكله و كملوا و اثبتوا للناس ان دى البدايه
و دائما البدايه صعبه فى كل شىء الانسان لا يتعلم الا من اخطائه
و الى الامام و بالتوفيق

Eng/M.Kosber كتب:: يا حبيب الروح انا نفسى الرجاله الوطنيه المتحمسه تيجى تكلمنى
وانا هاعرف ارد عليهم
لان باستثناء 35 فرد فقط من الهياتم
اقدر اقول لكل واحد غير دول
انتم مقصرين وانتم خذلتونا
كنا محتاجنكم معانا
وانت قلتم احنا معاكم
وللاسف الموضوع يرسى على 10 شباب و25 طفل

مش برده ليا حق ازعل
والناس اللى كانت عاوزه المنتدى جاد وهادف
هما فين مشفنهمش يعنى
ولا هما كانوا داخلين يدمروا المنتدى وخلاص

المشكلة يا بشمهندس محمد ان اللي حصل ده مش هو ده اللي احنا اتفقنا عليه من بداية الفكرة اللي اتكلمنا عليها وللاسف تم تنفيذه بطريقة مش سليمة للاسف احنا كنا متفقين على حاجة ولكن لم يتم تنفيذها وللاسف كمان ان انتو رحتو استوردتو حملة النظافة دي من قرية بلقينا بطريقة (copy-paste)من غير متراعي عدة جوانب كتير متمش دراستها وحاولتو تطبقو الحملة دي بسرعه وخلاص عشان كان في ناس بدات تشتغل فلذلك ان متلومش ناس موصلتش الرسالة ليها بشكل حقيقي لان الفكرة مكنتش مجرد يوم الناس تحتفل بيه والاطفال تكون فرحانه باللي هيه بتعمله وخلاص ولكن ده نظام كامل المفروض انه يطبق ويكون ليه معايير ومن ضمنها الاستمرارية لان الفكرة هيه تغيير سلوك الناس من الاساس وده طبعا بياخد وقت كتير لان اي حاجة لازم تكون تدريجية وعلى فكرة انا مش هاجم ان بس حبيت ارد عليك واعرفك ايه سبب عزوف كتير من الناس على المشاركة واللي انا واحد منهم وعاوز اقلك كمان متنساش ان دي اول تجربة حقيقة للناس في وقوفهم جنب بعض في حب وطنهم اللي هما كانو فقدو تواصلهم معاه بسبب اشياء كتير كل الناس عارفهاها,وتاني زي مقلتلك وصل الرسالة صح للناس وبعد كده ابدا طالبهم وحاسبهم. وسامحني على الاطالة

على فكره أى حاجه فى الدنيا ليها ايجابيات وسلبيات
بلاش نكبر الموضوع على الفاضى وخلونا نبص لقدام
وخلونا نعمل حاجه بلقينا تاخدها مننا copy-paste
بلاش نقعد نلوم ونعاتب
والحمد لله يوم وعدى وياريت بعد كده الكل يشارك
وانا مع المهندس أحمد فى اننا اتسرعنا
دى فعلا حقيقه وغلطه ومحدش بيتعلم ببلاش

وليد القلعى كتب:: على فكره أى حاجه فى الدنيا ليها ايجابيات وسلبيات
بلاش نكبر الموضوع على الفاضى وخلونا نبص لقدام
وخلونا نعمل حاجه بلقينا تاخدها مننا copy-paste
بلاش نقعد نلوم ونعاتب
والحمد لله يوم وعدى وياريت بعد كده الكل يشارك
وانا مع المهندس أحمد فى اننا اتسرعنا
دى فعلا حقيقه وغلطه ومحدش بيتعلم ببلاش

اولا: انا مش بلوم وبعاتب و لا بكبر مواضيع انا بوضح الاسباب ردا على الكلام اللي تقال.
ثانيا:طبيعي اي حد بيمر بتجربة بيطلع منها بدروس مستفادة ولازم يتعلم منها ويحاول يتلافى سلبيتها ده كل الموضوع مش اكتر.

السلام عليكم انا شايف ان الموضوع نجح ما فشلشى ليه لان عدد الاطفال كتير وهوا دا المهم وبعدين فعللآ لازم شويه تنسيق مع الاخوان والمدرسين والمشايخ والموضوع مش من مره واحد يلمحمد كرر الموضوع وهتلاقى اكتر واكتر وكله لوجه الله الاطفال هتعرف بعد وهما بيغيرو من بعد ولازم شويه تعب محدش مات ولا اتعور ولا بات فى البرد يعنى مش من اول المشوار بنزعل معلهشى سامحونى على البقوله هيا دى الحقيقه مش كل حاجه سهله انتا بتغير فكر اجيال يعنى لازم الصبروالتكاتف مش النقض وخلاص الله يوفئكم لما فيه الخير

» حملة نظافه
» وإنك لعلى خلق عظيم
» وإنك لعلي خلق عظيم
» سؤال من أستاذ لتلميذه وجواب عظيم ...؟؟؟
» حملة عمار يا مصر