حملة نظافه غير عاديه ( عمل جماعى عظيم )

أخوانى فى الاول أحب اشكر كل من ساهم فى هذا العمل الرائع الذى قمتم به
ممكن ننسى كل اللى فات وحصل ونفكر شويه بجديه
اولا كل اللى حصل جميل جدآ سواء عدد اللى خارجم كتير او شويه انتم لسه فى اول الموضوع والمشوار لسه فى البدايه انتم عارفين كويس اهل القريه بيفكروا ازاى فيهم اللى ممكن قال هو انا اللى هغير الكون واكيد فيهم اللى قال انا مالى انا المهم بيتى واهلى
انا اسف انى قلت كده بس اكيد دى اللى حصل انتم عارفين
المهم اللى جاى هيكون ازاى انا عندى فكره اسمحوا لى ان اطرحها على حضراتكم وان كانت فى صالح البلد ممكن ننفذها
ايام المدرسه وانا فى الابتدائى كان يوم جمعه من كل شهر المدرسين يبلغونا ان فيه يوم نظافه بالمدرسه وكنا بنروح اكيد انتم عرفين الكلام ده
ممكن تقوموا بترشيح بعض منكم يقابلوا بعض المدرسين فى المدارس الابتدائيه والاعداديه والثانويه الموجودين بالقريه على ان يتم التنيه على الطلبه ان نظافة القريه شىء مهم وان يقوموا بتسجيل عدد من الطلبه كل اسبوع ليشاركوا فى برنامج يسمى نظافة القريه وكل اسبوع يتم تغير الطلبه
وان شاء الله سوف ترون ان الطلبه المرشحين سيكون معهم بعض من الطلبه الغير مرشحين
ولو كل أمام مسجد بعد انتهاء الخطبه الرسميه ليوم الجمعه حس المصليون بهذا الكلام وعلى اهميته وان كل انسان يخرج ويتعاون حتى لو مع جاره فى نظافة شارعه فقط والتعاون معكم فى هذه الحمله ان شاء الله سوف يتم نظافة جزء كبير من شوارع القريه فى وقت قصير جدآ

واما النسنه الى رمى القمامه فى البحر انا فاكر انى قبل ما اسفر كان فى مشروع لم القمامه من المنازل هل موجود لسه ولا راح فين
المهم سوى كان موجود ام لا دى مش المشكله ليه الوحده المحليه مش بتساعد فى هذا الموضوع وتفرض غرامه على من يرمى القمامه فى البحر او اى مكان ممكن يؤدى الى تلويث منظر القريه
وربنا يكرم فى اللى جاى ان شاء الله أحسن من اللى راح وعدى
وانتم قمتم بعمل رائع على الاقل علمتوا الاطفال ازاى يحفظوا على البلد
طبعآ انا عارف ان انتم لفيتم فى البلد بسيارات للتنبيه ولكن العدد كان قليل بس مفيش مشكله
المهم ان الناس عرفوا ان الموضوع بجد وان شاء الله المره اللى جايه هيكون العدد اكبر والبلد تتغير الى الاحسن والى الاجمل
ربنا يوفق الجميع وجزاكم الله خيرآ على المجهود الغظيم دى
واحنا هنا ممكن نكون خارج القريه لكن اذا فى وقت ولحظه طلبتوا منا ان شارك فى اى حاجه ممكن نقدمها من الخارج احنا معاكم وموجودين

عمل جماعى رائع وعظيم الهدف منه بلد متقدم وحضارى

فكره ممتازه بارك الله فيك وممكن نعمل هدايا للآطفال تشجعهم

جزاكم الله خيرا وفي النهايه ان الهدف الاساسي لدسي الجميع هو القريه
بصرف النظر عن حدوث سلبيات واجابيات
وقدام بدانا بالتطور وحس المشاركه
ان شاء الله اللي جاي افضل لان كده اسلوب القريه هيتغير
ونعم للتغيير من اجل الافضل
والله الموفق

أبومحمدالسيد كتب:

السلام عليكم انا شايف ان الموضوع نجح ما فشلشى ليه لان عدد الاطفال كتير وهوا دا المهم وبعدين فعللآ لازم شويه تنسيق مع الاخوان والمدرسين والمشايخ والموضوع مش من مره واحد يلمحمد كرر الموضوع وهتلاقى اكتر واكتر وكله لوجه الله الاطفال هتعرف بعد وهما بيغيرو من بعد ولازم شويه تعب محدش مات ولا اتعور ولا بات فى البرد يعنى مش من اول المشوار بنزعل معلهشى سامحونى على البقوله هيا دى الحقيقه مش كل حاجه سهله انتا بتغير فكر اجيال يعنى لازم الصبروالتكاتف مش النقض وخلاص الله يوفئكم لما فيه الخير

حضرتك انا مش فاهم كلمة (النقد وخلاص) المفروض حضترك انك لما بتمر باي تجربة لازم انك تقيمها وتعرف سلبيتها وايجابيتها عشان تحاول تتجنب السلبيات وتعمل على زيادة مميزاتها ومعنى كلمة التقييم دي حاجة اساسية في اي حاجة في الدنيا دي حاجة ملهاش دعوة بالعواطف تماما ,و احنا مش المطلوب ان احنا نسقف وخلاص ونقوزل تسلم الايادي ,كل واحد يعبر عن رايه ومحدش يصادر على راي حد مهما كان الراي .انا حبيت اناقش التجربة دي و حبيت اظهر العيوب اللي حصلت عشان متتكررش المرة اللي جاية ردا على سؤال المهندس محمد واندهاشه من عدم حضور الحملة عشان فكرة الحملة اللي كنا اتكلمنا فيها مع بعض كانت المفروض هتم بشكل معين متفق عليه ولكنه متمش ولكن مقدرش اقلل من مجهود الناس وكمان اني اشكر الاطفال قبل مشكر الشباب واحنا هدفنا كلنا مصلحة البلد والمفروض ان احنا زي مقلت نتناقش مع بعض وننتقد التجربة بنقد بناء ونقيمها لان ليس للمصالح الشخصها منها بمكان.

م/ احمد رزيق
ارجوا منكم الاجابة على هذين السؤلين
1) لماذا قمتم بحملت النظافة ؟
2) ماهو المقصد من هذه الحمله ؟